شوفي اذا مانتي ضامنه يجيك اطيب منه فتوكلي على الله واقبلي فيه وحتى ان رجع ام عياله ماعليك منها خلاص هو دامه طيب بيعدل بينكم
اخوي طلق زوجته وتزوج وحده عمرها 33 وماقد احد فيه خير تقدم لها يعني اخوي كان مناسب لها دين وخلق وعلم بس بعد شهرين بالضبط رجع ام عياله وماكنا متوقعين يرجعها يعني الرجال ماحد يدري وش مستجدات مشاعره وافكاره وترى كان بينه وبين طليقته تواصل بالجوال وحطي في بالك ان اي مطلقين بينهم طفل راح يكون بينهم تواصل لأجل الطفل والرجال لابد يحن هذي عشرررة واحيانا الطلاق يصير بلحظة غضب سواء من الرجال او اصرار من الحرمه وترى المطلقه تتفاجأ بالمسؤولية الي تكون على عاتقها بعد الطلاق بسبب اطفالها واحتمال تفكر بالرجعه
انا أصريت على طلاقي ومعي طفله واكثر من مرة انزل موضوع استشير البنات لأن طليقي ياكل الحبوب وأثرت عليه صار يعصب على اتفه شي واحيانا يمد يده ويوسوس ومقتنعه بطلاقي جدا
لكن بعد الطلاق تورطت في المسؤولية لطفلتي اااه تعب مررره شي ماتتوقعينه صرت اسأل نفسي هل استعجلت واحيانا اذا ضاقت فيني بسبب بنتي اما تحتاج مستشفى او مصروف اقول ليتني صبرت على ابوها وتراه كان يموووت فيني واستعجل بزواجه بسبب تأثير اهله+بيقهرني 
وقدام الناس ملك ماحد يدري عن سواياه 
وتزوج وحده طيبه جدا وقبلت انها بأي لحظه تربي بنته
بس تخيلي من اول ليلة يطلب يرجعني الظاهر ماجازت له العروس
وشهر كامل مقلقني بالرسايل يقول مايملا عيني غيرك
مع انها عكسي كل يومين اهله عندها من خوات وحريم اخوانه وشبابهم وبزارينهم وتكرررف كرررف طايره فيهم تبي ترضيهم وتبيه يفرح وانا من خذاني رسميه معهم لأنهم ناس مايبان فيهم المعروف وعووووب وهي بنفسها بتذوق منهم مرارة الي ذقته لكن انا عكسها من اول ماغلطوا علي انسحبت منهم وريحت راسي واذا جوني صمى بكما لين طفشوا وماعاد زاروني الا بالمناسبات
وشوفي كرفها لأهله مابان فيه يرسل لي من وراها ويترجاني ارجع وصدقيني لولا انه ياكل الحبوب كان رجعت له بدون تفكير لكن ماني مجنونه ارمي نفسي مره ثانيه وغيرت رقمي بسببه وزوجته راحت فيها الله يكوووون بعونها كل ماتذكر وسوسته اقول الله يصبرها ويعوضني خير ويخليلي بنتي وصدقيني اذا عيوب الي خاطبك تنبلع فأم عياله بترجع له ومافيه شي اسمه سبب خاص قولي نبي رقم طليقته وانتي اسمعي منها وبالعقل بتعرفين صدقها من كذبها واسألوا عنه بدوامه شوفوا هو منتظم او غيابه كثير لاتقولين مركزه مرموق ووظيفته زينه اقسم بالله طليقي وظيفته زينه بس اااه ليتنا سألنا عنه بالدوام لأن غياااابه كثير بسبب الحبوب انا قد خطبني مطلق وطلبنا رقم طليقته وانا بنفسي كلمتها وسمعت منها ورررفضته وكانت بينهم عشرة عمر 11 سنه وادعي لها ليل نهار لأنها ماغشتني وتزوج وحده بعد خطبته لي وطلبت طلاقها 

اولا الف مبررررررررررررروك ... استخرتي تزوجي اهم شي اطلبه منك منك تلات

1- اصلاح النية ونسيان انه كان متزوج .
2- اكرام اولاده ... اياك تدحريهم او تشكي فيهمكوني كريمة وحطي نفسك بدالهم ... اقفلي غرفة نومك وبس
3- اذا خايفة يرجعها ..اشرطي بالعقد انه لايرجع زوجته الاولى (اصلا لو الطلاق بائن ماترجع له حتى تنكح زوجا اخر ..
4- انا من اللي رفضوا مطلق بزعم مثل هذه الشكوووووك ودحين بها العيد شفت شماته في عيون اخوتي المتوجات شيء عجيب ... الى درجة الاستحقار .....انصحك توافقين اهمشي اصلاح النية والتقوى

على كيفه سبب خاص !!! ﻻ عيوني ﻻزم تعرفين السبب هذا زواج

انا مع الاخت كان لي ..... دقي على طليقه اعرفي اسمها كامل اوا طلبيه من 905 او حتى اسم ابوها ...
وحلفيها وش فيه بالضبط بس انا اقولك طليقته مستجيل مستحيل ... تمدح لازم تجيب عذروب
وعندي طريقة خدوا رقم السجل المدني حقه وودوه الشرطة ...وشوفوا اذا له سابقة ذي طريقة اهل صاحبتي

السلام عليكم

اسأل الله العظيم لك ولأختي وابنة خالتي التوفيق والزوج الحنون مخموم القلب حسن الخلق يا كريم

عليك يا قلبي بالاستخارة مرة ومرتين و ثلاث وربي بإذن الله بيختار لك الصالح

وإذا على مطلق أنا متزوجة مطلق وأحمد الله وأشكره على فضله و سبب الانفصال كتبة رب العالمين ثم خلافات مع طليقته الله يعوضها و يرزقها بالأفضل تأكدت منها بعد السؤال ..



خلي عنك الوساوس الي تكدر خاطرك وتضيع فرحتتتك

ومبارك مقدما الله يوفقك وجعله ما يشوف غيرك ويجعلك زهرة بين يديه حورية في عينية يا كريم


اذكروا الله ربي يسعدكن :)