مخلصه شهري ولا ولدت

يسعد صباحكم
كيفكم جميعاً
انا اخر دوره كانت 10/1/1436هـ
ورحت المستشفى بسبب الم ف الحوض وكشفت الدكتوره قالت مفتوح الرحم 1سم وجلست اسبوع وجيتها قالت مفتوح 2سم طبعا هذا ثالث حمل لي وكل ولاداتي طبيعي الحمدلله وسوو لي سونار قال الدكتور انتي ف الاسبوع 37من حملك وكل شي تمام عندك واصر يقول متأكده من تاريخ دورتك وانا متاكده من التاريخ ما انساه كنت صايمه عاشورا وجتني الله يكرمكم الظهر وتنكدت لانها جتني وجلست ثلاث ايام وانا دايم دورتي 7ايام بعدين قالي عادي السونار يلخبط معنا في الاسابيع الاخيره ونوموني وطلعت ع مسوؤليتي لاني طفشت وراسي صدع من ريحة المستشفى ماعاد تحملت واحترت معاهم
المهم انا تعبانهه الطلق يجي ويروح مومستمر والم فالحوض يذبح لدرجه يادوب اجلس واقوم لي يومين اشرب يانسون وحبه سودا ومافي طلق غير يجي ويختفي والدكتوره طفشتني تقولي عادي يكون مفتوح 2سانتي لانك واالده قبل مرتين
الله يسعدكم من صار لها نفس حالتي وصدق ان الرحم كذا فاتح عشان والده قبل ولا لا وياليت لو فيه شي يحمي الطلق تكتبونه
ادعولي الله ييسر ولادتي ويهون علي وعلى كل حامل واشوف بنتي بصحه وعافيه...