مخنوقة اوي ارجوكم ساعدوني متقدملي عريس ومحتارة

انا اسفة اني بكرر موضوعي بس بجد انا نفسي اعرف الحقيقة انا فتاة في السادسة والعشرين من عمري ارجو ان يتسع صدركم لسماعي تقدم لي شاب من سني ومن أسرة عريقة جدا كلهم ضباط شرطة وقضاةورجال أعمال هو بصراحة وضعه الاجتماعي أحسن مني قبل ماييجي بيتنا سألنا عليه وقالولنا انه شقي جدا هو واخوه التوأم فسألنا عن نوع الشقاوة دي قالو كانو بيعاكسو بنات ويشربو بانجو ومستقويين بسبب اهلهم الجامدين و اللي قال ان العريس اللي متقدملي بقي كويس وبيصلي وبيشرب سجاير بس لكن أخوه لسة زي ماهو وفيه اللي يقول الاثنين زي بعض بس الاكيد انهم كانو نفس السلوكيات بس المعلومات متضاربة ياتري هو بقي كويس ولا لأ أدينالهم ميعاد وكان فعلا جاي بس قبل قدومه بساعات واحد قالنا دول هيتعبوكم أهله ناس كبار انتو عايزين اللي ماسك عصاية زي اللي ماسك بندقية خدوا ناس علي ادكم اهلي اتصلو اعتزرولهم ومجوش بس انا كان نفسي ييجي وأتأكد بنفسي يمكن يكون ربنا هداه زي ما البعض بيقول لكن ماما رفضت بشدة قالت طالما فيه احتمال انه يكون بالسلوكيات دي ممكن بعد مايدخل البيت ويعرفك ويقعد معاكي يأذيكي حتي لو شافك مثلا في الشارع انا تعبانة ومخنوقة احنا مبلغناش الرد النهائي يعني ممكن ييجي لكن ماما بتقول لأ نبعد عن المشاكل وانا زعلانة من ماما جدالان احنا كمان احيانا الناس مش بتشكر فينا بس طبعا مش للدرجة الفظيعة دي بس انتو عارفين الناس وكمان انا مش بيتعدملي ناس كتير أنا نفسي أفرح وأعيش لاني تعبت من غدر الدنيا بيا أرجوكم ساعدوني ياريت تدوني رأيكم اكمل ولا اسمع كلام اهلي نفسي كل واحدة فيكم تعتبرني زي أختها وتنصحني قبل فوات الاوان ربنا يكرمكم يارب