مخنوقة مش عارفة وش اسوي

السلام عليكم
كلنا نطمح لحياة سعيدة لكن هناك منغصاااات
مثلي انا الحمد لله عايشة في بيتي مستورة ولله الحمد
حتى بداية زواجي كنت دايم عند ام زوجي اللي هي خالتي اخت امي
طبعا انا طبعي هادية مااحب المشاكل واحترم الكبير مااحب ارد علية
وبدت المشاكل مع اهل زوجي طبعا سبب المشاكل مع ام زوجي حماتي
اللي هي اخت زوجي من امه
وتحملت وسكت عشان ولدهم
وهو مقدر سكوتي
والله ثم والله قللت روحتي لهم واوقات اتحاشى جمعتهم لاني اذا رحت اتضايق
بس جا وقت صرت ارد وانفجر فيهم
قبل كم يوم كان زوجي متخانق مع امة بس ربي يشهد اني مااادري عن السالفة وش اللي بينهم
بس انا قلت لة وجه امك ماعجبني قلت له انتوا فيكم شي قال شي سخيف وانا سكتت الموضوع
زوجي منعني اني اخلي ولدي يروح مع جدتة بيت حماتي لانها في العدة
لان البزورة دايم في الشارع مايدخلون لبيت حماتي
وقالي لايروح الولد اليوم مع جدتة نبي نطلع للبحر قلت اوكي
المهم قال ولدي ماما انا بروح مع جده قلت له بابا مو راضي
وطلع وراح لجدتة وهي جات لعند بابا بيتي طبعا مابيني وبينهم الا حوش بس
وقالت عطيني ملابس للولد وانا باااخذة معاي
قلت ابوة يبي يطلعهم للبحر
وهي راكبة راسها وخذت الولد وطلعت
والله يابنات ان زوجي مايحب اللي يكسر كلمتة
وانا بصراحة اخاف منه
رحت وقلت له امك خذت الولد وانا بريت ذمتي
وراح هو بيت امة وجاب الولد
واتصلت علي تهزا انتي ماقدرتيني كان ماقلتي له
ونتي رحتي صحيتية من النوم
قلت لها هو كان صاحي وهذا هو جنبي يسمع الكلام اللي اقوله لك وقال عطيني اكلمها وقفلت السماعة
ورحنا للبحر وسالت قلت له ياابو فلان
انا غلطت لما جيت وعلمتك ان امك خذت الولد
تتوقعون وش رد على قال امي تحب المشاكل واللي محرشتها اختة
احمد ربي على رد زوجي