مخنووقة وضايق صدري ربي يسعدكم يامتزوجات ياخبيرات اسعفوني

السلام عليكم
اخواتي الحبيبات
حصلت مشكلة بيني وبين زوجي وتلفظ علي امام اطفالي ياخادمة ياكذابة يافاشلة لو انت بنت ناس ماتسوي كذا وكذا
ويادوب رفعت راسي ابغى ارد جاء راميني على وجهي بالمنشفة امام اطفالي وانا متحملة خفت ادافع عن نفسي ويمد يده
قال لأطفالي امكم كذابة لاتعلمكم الكذب
رحت لمكان لوحدي علشان اطفالي مايشوفوا دمعتي وجاء سمعني كلام يضايق
رحت لمكان ثاني بنفس البيت كذلك ماسكت
حاولت اتحمل ماقدرت ماقدرت
انا مامدح نفسي احاول ما اقصر بشي وربي الشاهد
مغبونة على نفسي ما استاهل
استخرت اكثر من مرة رحت اتصلت على ابوية وحكيت له
وقال ابوية خلاص اتركي البيت اذا يشوفك انك مو بنت ناس
ماقدرت اعصيه
يوم شافني واقفة بعباتي ورايحة بيت اهلي مسكني مع اكتافي وكان يدفني لبرى وانا امشي كنت اقوله انتظر البس شوزي وانتم بالكرامة قال اطلعي برى وانا اجيبه
يوم وصلت للباب طلعت وقفل على اولادي بالبيت
رفض اخذهم معي
ما اوصف لكم الموقف منهارين ويصرخون وينادوني وانا واقفة عالسلم حافية واسمعهم
ابكي ومارضيت امشي الى ان فتح الباب اخذت الشوز وطلع لي العيال ومشينا بيت اهلي
والان انا بيت اهلي مع اولادي الحمدلله
وزوجي ماتقدم خطوة اللهم اتصلت امه تقولي يبغى يكلم الاولاد وانا عاملة حظر فتحت. الحظر وخليتهم يكلمونه
وهو ماتقدم خطوة وحدة مرة امه تقول انت ماقصرتي معاه ومرة تقول انت غلطانة كلمتي ابوك تلفظ عليك تلفظي عليه
رماك ارميه
قلت لها مستحيل اعمل كذا امام اطفالي واسبب لهم ازمة ونفسية وخوف الله يبعد عنا وعنكم الشر
بالعلم ان اخواتي نصحوني ماطلع من البيت ولكن انا انقهرت على نفسي قايمة بواجبه واكثر وهو راح يتمادى لاني ساكته ياما حصلت مشاكل اكبر ولزمت بيتي لكن المرة هذه ماتحملت ابدا
حبيت افضفض لكم الله يسعدكم واللي عندها حل لاتبخل علي