مخنوووووووقهه

السلام عليكم


بنات بقولكم ايش سار لي وأنتو أحكمووا مين الغلطان

انا فيني وحمات من لمن كنت صغيره وانتشرت بجسمي واللحين كبرت و لازم اشوف نفسي
طبعا شلت همها لوحدي ابدن م حسيت من اهلي اي اهتمام بالموضوع ولا عمرهم احد فكر وقالي تعالي لقيت دكتور شاطر ب يحل المشكله و كل م كلمت امي ردت ب أستهزاء انو خلاص مافي حل وراح تبقي كذا و م راح نساعدك انا كتمتها بنفسي و قلت اعتمد ع نفسي اكرم لي جمعت لي مبلغ بسيييط يفيدني لو لقيت العلاج
بحثت كثييير عن اطباء يعالجون الوحمات يوم من الايام جاني كرت من فريق طبي زارنا بالجامعه لدكتوره مشهورهه اخدت موعدو كلمت ابويا و م قلت له ليش الموعد يومها كنت مررررررا مبسوطه و أخيرا بتشوفني و القى حل نظفت البيت غسلت و شلت وحطيت وفطرتهم كانو صايمين ولمن قلت لابويا يلا وقلت له على سبب روحتي عصب فجأه وجلس يصرررخ مين قلك تتصرفي من كيفك وليش مين طلب منك وانتي فيك و فيك وجلس يدعي علىا ويطلع اعذار انا م اعرف الموقع قمت اعطيته كرت فيه الموقع و الارقام و كل شي لمن كلمهم و عرف الموقع رمى الكرت بوجهي و خرجنا جلسنا ساعه ندور ع الموقع و في الساعه هاذي طبعا م خلت من الدعاء كل هذا خوف من انو يدفع شي المهم قابلت الدكتوره وقالت مالها علاج كسرتني وزادت الهم همين رجعت مكسورهه املي الوحيد انكسر و لا بيدي شي هلي مو هامهم شي انا مو مستغربه من اللي سواهه ابويا فيني بس بعرف ليه م يساعدني ليش يحطمني ليه م يوقف معاي مو انا بنته احيان اقول ماخذيني من الدار اقارن نفسي بالبنات و كيف اهلهم مهتمين فيهم و الله انا م اقصر بشي ع حسب م اقدر تمر ايام البيت يكون فاضي مافيه اكل اقوم انا و اعطي امي فلوس من اللي اجمعهم عشان نقضي مع اني عارفه راح تجحدني بعدين بس الاجر من عند الله لحد يفكر اني م احب اهلي انا احبببببهم و اموت فيهم و افديهم بعمري بس اللي سار لي منهم قاسسي كثثيير و م اقدر اتحمله .. علموني اللحين ايش اسوي تعبت مرررررررا وكمان فيني عين ونفسيتي زففففففففت بيجيني ضغط و قلب من الهم اللي فيني عمر وانا شايلته لوحدي و محد حاس فيني كل م افكر ف الزواج و انو يكون عندي اطفال ابكي من قلبي اقول بنفسي مين يرضى بوحده فيها وحمات. سامحوني كلامي ملخبط م اعرف اعبر ادعوولي بنات دايمن لمن اشووف مشاكلكم ادعي لكم انا ترددت كثثثيير في اني اكتب لكم و افضفض بس خلاص طفح الكيل . أنا لله و أنا اليه راجعون آاللهم أجرني في مصيبتي و أخلف لي خيرا منها.