مخهم يعجبني بالرغم من ان تصرفاتهم غلط بس بالنسبة لهم صح !

السلام عليكم
مخهم يعجبني بالرغم من ان تصرفاتهم غلط بس بالنسبة لهم صح !
اولا اتكلم عن خوات زوجي
معودين اخوانهم على ان لازم مايفضلون زوجاتهم عليهم
يعني اتمسكو في اخوانهم لدرجة ان كل شي يدور بين الاخوان وزوجاتهم كل شي يوصل الاخوات
وهم متزوجات بس يعتمدون على اخوانهم
يعني من اول مادخلت عليهم صارت تعتمد عليه بكثرة بكثرة
كان هدفها ان
توصل لي ان مو معناه ان اخوك تزوجك يعني راح ينسانا
وانا اساسا .. مالي شغل ولا عندي هم ان يخدم اهله او يكون معاهم والي مافيه خير لاهله مافيه خير لزوجته
ومع الوقت .. انا صرت لما افكر اطلع اتعشى معاه
او يقضي لي مشوار او شي .. هي تجي وتطلب منه
طلب .. وقال لها انا بروح مع المدام عندها شغله
تغير وجهها وتزعل .. ويجيني يبي يقضي لي الشغله الي ابغاها بدون نفس ومعصب
اسأله وش فيك يعصب علي
وتصير مشكله
المهم .. بعدين اصريت الا اعرف وش فيه
قال لي كانت اختي تبيني اروح اشتري لها جهاز
وقلت لها ماعندي وقت لاني بوديك انتي تاخذين غرضك الي تحتاجينه
وعصبت ..
يعني هي تبي تحسسه ان اولى
وتتحمل منه الكلام والمذله عشان يقضي امورها
وتتحمله .. بس عشان تعوده على هالشي
والثانيه
تتعب على نفسها وتكشخ طول الوقت حتى وهي تطبخ تخيلو
وبيتها على طول مرتب .. وزوجها ماشاء الله يموت فيها
انا ماقول هالشي غلط بالعكس بس هي تسوي كذا عشان زوجها يفضلها على زوجته الاولى .. وبنت زوجها تضرب بنتها هم في نفس العمر .. وتسكت .. عشان ماتطلع زوجة الاب الشريرة
بس بنتها تضرب بنتي واذا بنتي صار لها ردة فعل تسوي حرب
وياويلي لو تكلمت تقلب علي السالفه وتحرض اخوها
عارفين يعني مخوخهم احسها شغاله عارفين يستخدمونها صح
اهم شي يصير الي يبونه .. وكل شي يبونه على كيفهم
واذا تسببت في مشكله
تعرف شلون تنسحب منها
يعني مثلا عندها اربع عيال وتسوي نفسها فاهمه في كل شي
كان يوم موعد تطعيم بنتي .. وكانت حرارتها مرتفعه اشوي ..
باقي نص ثلث ساعه على موعد التطعيم
قالت لي اعطي بنتك بانادول .. قلت لها ما اقدر اتصرف مني ومن نفسي الحين اروح المستشفى يشوفون ليش مرتفعه حرارتها
قالت لي بتخلين بنتك كذا .. اعطيها وخبريهم ان حرارتها مرتفعه واضطريتي تعطينها بندول انا رافضه وهي تصر ..
واعطيتها ..
ورحت الموعد .. معاها كل الدكاترة حاسبوني ليه اعطيها .. قالو الحين بنتك بتحتاج تحاليل ولا ما انطعمها
عشان نعرف مصدر الحرارة .. وطولنا كثير بالمستشفى وزوجي معصب .. قال ليش تعطينها .. الحين انا عندي دوام وما استأذنت .. وماخبرته ان اخته قالت لي
وبعد قضاء وقت طويل بالساعات ..
رجعنا البيت .. وتسألني ام المشاكل اخته
وش صار عليكم
وخبرها زوجي وهو معصب بالي صار
وصارت ضدي تخيلو قالت انتي غلطانه مفروض ماتتصرفين منك ومن نفسك كانت قمة في الحقارة
وطلعت من المشكله ببساطة
يعني عارفين يضبطون وضعهم
ويطلعون مثل الشعره من العجين