مخي ومعدتي ووزني تهاوشوا مع بعض وانا منسدحه ؟؟؟؟؟؟؟؟؟؟؟ اشلونكم بنوتات
كنت منسدحه بفراشي وافكر شنو أطلب من أي لمطعم علشان آكل
ماكدونالدز
هارديز
بيرجر كنج
وبدال لاأسمع صوت عقلي يرد علي باختيار المطعم سمعت الآتي :
المعده قالت : يرحم أمك بس كاكاو وبس وجبات سريعه وبيبسي ماني ملحقه أهضم العصارة خلصت ....
والوزن قال: يابنت الناس تبين تبلعين لبسي ملابس جديدةغير اللي ضاقوا عليك ترى ماني قادر اتحرك من هاللبس
( مو خبركم فيني قاعده استمر في الصعود إلى وزن 100 )
بعد مااحتد النقاش بين وزني ومعدتي صرخ مخي وقال: خلاص ياجماعه عن المشاكل قثيتونا ترى بعطيكم حل لكم إنتوا الأثنين ..
الحل حقك يامعده إني راح اكلم الإخت ( اللي اهي انا ) انها تشترك بوجبات دايت كير وتفتكين من الدهن والحلويات ...حلو الحل؟؟؟؟
المعده : هياااااااااااااااااااااااااااااااااااااااا وأخيرا راح اهضم على راحتي وافتك من التوسع والتمدد تكفا مخيخ قولها لاتاكل كيندر والله لاعت كبدي .
المخ : ان شاء الله عاد لاتمصخها طلبات لااخليها الحين تطلب من كنتاكي قطع فلفل وأوهقك ..صج معده موكفو مساعده .
المعده : لا لا خلاص على راحتك عاد انت المخ لاتعصب بعدين المسكينه تصير مجنونة اهي بروحها مجنونة كاكاو .
الوزن : إحم إحم ..كنك نسيتني يامخيخ والا المعده عندها واسطه ومضبطه مزاجك بالأكل.
المخ : شكو ......بروحي انا منقث من المعده بعد اتوسطلها ...لا عادلاتحاتي راح أخلي الإخت تدخل نادي وتهزأك بالنزول.
الوزن : إي والله تراها كبرتني كل مالها وتصعد انا توني شباب أبي عمري 60 أو 55 مو صاعدتلي 100 كيلو كنها مطيحه الميانه معاي أو انا عطيتها ويه ..لا وفوق هذا ماتتحرك
المخ :لا مايصير خاطرك إلا طيب بس انت تبي أي نادي حاضرين .
الوزن : ياحبذا لو يكون ا......... في مدربه حلوه عاجبتني ...
المخ : اثقل .
الوزن : الحين انا بخف تقولي إثقل .
المخ : بعد البنت مادخلت نادي وصرت خفيف الله يستر لا تخترب البنت وتصير خفيفه ..
الوزن : تكفا خلها تخف وتفكني بس
المخ : تراكم زودتوها بالحكي معاي بس عاد هنود انتوا هنود ........هذره مخي قام يعورني ..اشفيني انا نسيت إني مخ الحمدلله والشكر....
المعده والوزن: يالله مخ مخ متى تنفذ طلباتنا وتكلمها تدخل نادي وتشترك بوجبات ..؟؟
المخ : يوم الأحد القادم بتاريخ 3 / 8 / 2010
المعده : ليش مو الحين تكفا .
المخ : ياغبيه اشلون وانا توني معطي إشاره حق النخاع انها تشترك بوجبات وتوها مسكينه اتصلت على دايت كير وقالولها مواعيدهم زحمه وعطوها موعد الأربعاء وهي قالت إنها بتبدي نادي ووجبات مع بعض .
المعده والمخ والوزن : وناسه راح نرتاح أخيرا وياريت مخوخ البنات ومعداتهم وأوزانهم يتهاوشون ويخلونهم يرسون على نفس الحل اللي اتفقنا فيه ........ ..........
يالله يابنات انا الحين اقولكم فكروا زين مازلنا متان منو تبدي معاي ونشجع بعض وجبات ونادي .......
وزني الحالي 96
الهدف 60 قويه حدي
ادعولي وشجعوني
والله جلست أضحك بقوووووووووهـ
أضحك الله سنك معك
بس مشي في البيت
ويلله نشجعك