أول مره بصراحة أسمع عن حي المزرعة وينه فيه ؟؟؟

تحمست اشوف هالمدرسه ..

كنت ناويه على الرواد وشكلي بهون !

الأخوات اللي كتبو عن مدرسة المدرسه ياليت يتكلمون عنها بالتفصيل أكثر00 ووينها فيه بالظبط 00وكم أقساطها 000وهل تنصحوني فيها لبنتي رايحة لسنه ثاني000وشكرا

شوفي ياعزيزتي

انا من الروضه وبالمنارات

واختي من الروضه بالرواد ثم المنارات

الروااااااااااااد شديييييييييده مرررررره

يعني ان قالت البنت شي دقوا عليك ان تاخرت عن الحصه دقوا عليك

واسلوبهم ينرفز

كانك في حكووومه بالضبط

ومن ناحيه الديييييين مررررررررره شديدين

والا الواجباااااات تصديقين التمهيدي يعطونهم ولا اربع واجبات يويما

والابتدائي من تجي البنت من المدرسه وهي تحل بهالواجبات

يعني غثا بالبيت والمدرسه

ما ادري يمكن يعجبك التعليم الي كذا

المنارات تعليمهم افضل

واهون شوي من الرواد

البنات اللي فيها مشكلين ملتزمين ومررررررره فري

بس مسيطرين عليهم

عيبهم ما يهتمون بالانجلزي كثير يعني ماده اضافه الله بالخير

ادارتهم شديده يعني ما تتهاون بالمخالفات ولا بالغياب

ومن ناحيه الدين معتدلين

ورغم ان بنتي الان مقبله على التمهيدي
ما فكرت ادخلها

لا المنارات ولا الرواد حاطه في بالي دار العلوم او رياض نجد

ويمدحون الغد لكن بععععيييييييده وين التحليه وين الشمال

والله يكتب اللي فيه الخير لي ولك

انا درست المتوسطه في الرواد والله انها شديده بس تحصيلهم العلمي ممتاز جدا"

ودرست الثانويه بالمنارات احس انهم متساهلين بالمره وملخصات وكل شيء يعني راحه

والحين الحمدلله متخرجه من الجامعه بس انا أرى ان المنارات احسن وأهون

بس اذا بنتك تبينها تطلع صح وتتأسس صح دخليها الرواد لأنهم ما يجيبون الا مدرسات ممتازات 00

اتمنى افدتك 00



تشـــــــــــــــــــــــــــــــــــــــــــــاو

ماقصرتوا ,, بارك الله فيكم ..

روما .. حبيبتي دار العلوم ..مافكرت فيها ابدد!!

لانهم لا تعليم ولا تربية للاسف .. تخيلي وحدة اعرفها تقول بنتها بابتدائي تبي تحط روج!!

تقول زميلاتي يحطون محد يقولهم شي ..وتبي تجعد وتخربط مثل المراهقات!!

وموجهتي بناتها 2 فيها تقول قبل 3 سنين ..كانت حلووة لكن الان مستوى التعليم سئ جدا

وشكلي باكنسل الرواد!!! مستحيل احط بنتي في فصل فيه 25 طالبة!! ولا 9 فصول!!

احترررررررت والله!!

المدرسة هذي وينها فيه؟؟ وهل فيها بنين؟؟