الأسعار 25000 ريال سعودي..

و يقل 2500 ريال إذا كانوا إخوان...يعني الكبير ب 25000 و اللي بعده ب 22500 و كذا..

لما يصيرون أول ثانوي يعطونهم لاب تووب من آبل ماكنتوش...بس وقت الصيف ياخذونه...و إذا تخرجوا يصير ملك لهم خلاص

اللي يعجبني فيهم الأنشطة اللامنهجية عندهم..مر رررررررررة رائعة..و احسن ما فيهم يقوون الشخصية <<< تراني أتكلم عن تجربة في قسم البنات...الأولاد ما أدري عنهم...

و أول كانوا مدارس الرياض و نجد و المملكة يدرسون الأولاد و البنات سوا إلى ثالث ابتدائي...بس الحين منعوها...

و إذا عندك أي سؤال ثاني انا حاضرة...

مشكوره يابعد عمري

الله يجزاك الجنه قولي امين

بس ابسال الخمس وعشرين للترم ولا للسنه ؟

والانشطه اللا منهجيه زي ايش مثلا ..؟؟

وكيف يقوون الشخصيه ؟؟

وتشوفين مافيه اي سلبيات ..؟

يعني اخلاق الطلبات ..؟ وزي كذا

الله يجزاك الجنه ياقلبي

وياك يا قلبي..

هذا القسط للسنة كلها ...

و يقوون الشخصية ...يعني...ممم..عكس التربية الإسلامية <<< متعقدة منهم !!!

بس الحق يقال...لما كنت بالتربية الإسلامية البنت اللي شخصيتها قوية من الأساس تستمر...بس اللي غير كذا..يبون يمسحون شخصيتها...تخبرين...سوريات عجز و هات يا تهزيء لو غلطتي بكلمة و إلا بحرف...لكن تبين الجد...تدريسهم روووووووووعة !

نرجع للمملكة..يقوون الشخصية بإنهم يخلون للطالبات شخصياتهم المستقلة...يناقشون...ياخذون برايهم..

أنا لي بنت عم..كانت شخصيتها ضعيفة للأسف في التربية الإسلامية..و اول ما نقلت للمملكة..تغيرت 180درجة ! وإختي نفس الشيء...إختي الحين في الثانوي...من جد حسيت بتغير في شخصيتها للأفضل..من ناحية الوثوق بالنفس و تقول رأيها بكل صراحة..انا يعجبوني بهذي الناحية..

من ناحية الطالبات...طبعا هم من التوب تبع الرياض...فبنتك راح تتعبك شوية من هذي الناحية..يعني لو سيارتكم عادية تبي تقول لك وش ذا القرف ! العباية ..من فترة لفترة تتغير..يعني..تعرفين ضريبة هذا الشيء...بس البنات زي كل مدرسة فيهم الصالح و فيهم الطالح...

و ممكن السلبيات من ناحية قوة الدراسة...يعني أنا عن نفسي لو عندي بنت..ما راح أوديها للمملكة يأسسونها..بوديها نجد...بأسسون عربي و انجليزي و لا أحلى صراحة..المملكة شوي مريحين من هذي الناحية..مع إنهم تغيروا قي السنة اللي راحت و هذي السنة...

الأنشطة اللامنهجية...زي..ممم..خيل ..سباحة...اليوم المفتوح البنات يصلحونه من إلى..و لا أحد يقدر يقول لهم شيء...فيطلع إبداع البنات..كرة القدم يسوون دوري فيها...يعني..

و أي أسئلة ثانية لا يردك إلا كيبوردك...

و الله يحفظ لك بنوتتك و يصلحها يا رب..

الله يجزاك الجنه ياعمري

ويوفقك دنيا واخره وينولك اللي فبالك يارب

كفيتي ووفيتي ياعيوني

بس خليتيني اتردد من ناحية كلامك عن التاسيس ..

يعني كل هاالسمعه وتاسيسهم ضعيف ؟ مشكله الصراحه

انا قلت لك !

إذا تبين عربي و انجليزي صح...

عليك بنجد !..

بس كانك تبين تسجلين للسنة الجاية ترى يالله يمديك...لأنها مرررررررررررة زحمة...

و الله يوفقك إن شاء الله...