ممكن اسال على امتحان القبول في القسم العالمي كيف يكون سهل ولا صعب

للرفع

الحمد لله ابني انقبل كيجي تو بالمنارات ادعولي انها تكون كويسه ويستفيد منها

للرفع حتى أنا محتارة بالمدارس

 انا ودي احكي عن مدارس منارات الرياض القسم العالمي،  بصراحه هالمدرسه جداًجداً سيئه ومستواها كله في النازل، اول شي كثافه في الدروس غير طبيعيه ومناهجهم مره كثيره حتى الطالبات والله معد يستوعبون ولا يجمعون، غير كذا يعطونهم واجبات و سطلبون منهم مشاريع ايام الامتحانات، والامتحانات النهائيه كل المنهج داخل ولا يعطونهم ملخصات مثل باقي المدارس، و والله بعض مدرساتهم اصلاً غير مؤاهلات للتدريس بعضهم اصلا ما تخرجوا من الجامعه وغير كذا يمسكون الفصول مدرسات التربيه الفنيه او الكمبيوتر لمن يكون عندهم نقص معلمات ويخلونهم يدرسونهم باقي المواد الي مو من اختصاصهم.
هذا غير المبنى التجاري المبني للاقسام اولى الى ثالث بالقسم العالمي، مبنى سيئ جداً جداً تعالو شوفوه لمن يجي المطر بس، والحمامات وانتم بكرامه لا فيها صابون ولا مناديل ولا شي، ولا يوجد حتى كافيتيريا او مكان لتناول الطعام.
وهذه المدرسه بصراحه جداً استغلاليه كل شي عندهم بفلوس حتى لو ام بتحضر حفل لبنتها في تخرج احدى الدفعات الاخرى لازم تدفع فلوس عشان تدخل، حتى راسلين اوراق مع الطالبات يبون من الامهات انهم يتطوعون في بعض المهمات والعمل كمتطوعات بسب الحاجه الماسه بسبب نقص الموظفات، كل هذا ما يبون يدفعون رواتب زياده، هذا غير الاربعة الاف زيادة في الاقساط للعام القادم على ايش ما ادري.
والله لازم وزارة التعليم تنظر عندنا في شأن هالمدارس مثل المنارات وغيرها، لانه بصراحه ما ينفع معهم نشتكي والا ما نشتكي ما يسمعون ولا حياة لمن تنادي وهمهم الوحيد بس هو الربح المادي ماخذينها تجارة مو مؤسسه تعليميه تربويه تهمها مصلحة الطالب وتكون فوق كل اعتبار. 
بصراحه مدرسة سيئه جداً جداً وخربت من بعد ما تغير المالك وصارت تجاريه ما يهمهم الا الفلوس والا مصلحة الطالب ما تهمهم.