هلا حبيبتي
امي رايحتها و تقول فيها سوبر ماركت يلبي الحاجات لكن ما اظنه كبير
و بالنسبة للأماكن الحلوة في مسقط في البحر اللي في مسقط و في سوق
و في طبيعة حلوة بس عن اماكن التسلية للاطفال ممكن تسألون الناس في ودام الساحل و ان شاء الله بيدلوكم
شكثر بتقعدون في عمان؟

هلا اختي سراب الف شكر لك اانا الحين في عمان و بنجلس 3 شهور ان شاءالله
حبيت لو تفصلين اكثر في المحلات انا رحت الستي سنتر و رحت للشاطئ
وش فيه امكن حلوه و مطاعم؟؟

هلااااا والله فيك يا رمال نوررتي السلطنه
<<<<<<< بنت مسقط



روحي منطقة القرم التجاريه فيها كل المجمعات والمحلات الحلوه

واذا تبغين محلات اقمشه رووعه روحي مجمع مزون في منطقة روي بمسقط

وسوق مطرح الشعبي وكورنيش مطرح بعد حلووو للتمشيه بس الحين فيه تصليحات

واماكن تسليه للاطفال مرح لاند في القرم 00 وبعد اذا تبين تتمشين روحي حديقة القرم الطبيعيه في بحيره وقوارب مائيه

ولو تكونين بفترة مهرجان مسقط يكوون احسن 00 بس المهرجان بيكون تقريبا بفترة العيد الكبير

ومركز بهجه بالسيب بعد اوكيه 00 بس بيني وبينك ترا ماعندنا مراكز تسوق ذاك الزود
اذا بغينا نتسوق نروح على طول دبي 4 ساعات وواصلين


ولو تبون تروحون مناطق رووووعه برا مسقط مثل الوديان تسوون رحلات قوليلي
بس المشكله لازم تعرفون الاماكن صح عشان ماتضيعون 00 احنا ومن عمان ونضيع ههههه


اي صح نسيت عندكم بمنطقة الباطنه ولاية السوداي
فيه بحر وشاطئ وشاليهات وومكن تطلعون بالقوارب

اتمنى اني ساعدتج وهذا اللي قدرت عليه
واذا تبين اي استفسار اسأليني

هلا اختي يرام الف الف شكر لك
ايه سوق مطرح قالوا لي عنه بس يقولون برمضان زحممممه فقلنا نخليها بعدين ان شاءالله و شفت حديقة القرم بس ما دخلناها مدري ليه؟؟ بس اذا تقولين حلوه ان شاءالله بنروح لها مره
و اشوف و احنا جاين لودام لوحه مكتوب عليها منتجع السوادي ان شاءالله بعد نمره

حبيت اسالك حبيبتي عن المطاعم الزينه عندكم وينها فيه؟؟
و اذا دايم تروحين دبي من وين تتسوقين انا رحت لها من اسبوعين و احب تفيديني