بسم الله الرحمن الرحيم
راااح احككيلكم قصة حملي ومعاناااتي وولادتي طبعاا انا متاخره عن الحمل لي 7 سنوات حاليا بسبب ضعف عندي وعند زوجي اخذنا منشطااات طبيعيه وصناعيه و سوينا تلقيح صناعي كذا مره بس الله ماراد لي الحمل وبعدهاا قررت نسووي اطفال انابيب بدات اخذ الابر المنشطات واستمريت عليها فتره ورحت راجعت الدكتوره وقررت لي موعد السحب رجعت بيتي(مع العلم اني ساكنه بمدينة واراجع بمدينة ثانية يعني سفر) اخذت شنطتي جهزت ملابسي ليومين بس على اساس اني بعد السحب راجعه وبعدين دخلت السحب وطلع عندي فرط تبويض والله يسامحها الدكتوره ماتكلمت وانا مادري عن هذا الشي الا بعدين وكنت مررره تعبانه وامي شافتني على هذا الحال قالت ماترجعي بيتك وقعدت عند اهلي وبعدها بيومين دقو علي وقالو لي تعالي عشان الترجيع ورحت ورجعولي خمسه اجنه (عرفت انه ماينفع وممنوع اصلا وخطر على الأم)وبعدها رجعت لبيت اهلي لان صعبه اسافر لبيتي مافي غير بيت اهلي وماقصرو اهلي حطولي سرير في غرفة الضيوف واونواع الراحه بعد الترجيع باسبووع صرت احس اني بس دايخه وطول الوقت مسدوحه بعدين صرت ارجع وانتووو بكراامه وقتها كنت اقوول شكلي حامل وفنفس الوقت مابي اعشم نفسي كثير لان كان ينزل علي دم مع بقايا التحميله وبعدها امي قالت لازم اجيب لك التحليل المنزلي وانااا رافضه واليوم العاشر لقيتها جابلتي التحليل وقالت قووومي سوويه وغصبتني عليه رحت سووويته وطلع لي خطين واضحين رحت وريتها لماما طااارت من الفرح وصارت تبكي وتسلم عليه وتقولي مبروك وانا بيني وبين نفسي اقول لاتصدقي كثير يمكن يكون اثر الابر التفجيريه وراحت قالت لأبوي وصار يسلم على راسي يوووه لوتشوفو الفررح اللي فعيونهم كأني مادري ايش قلتلهم وانوااع الغطااريف من ماما واخوااتي... وانا مو معاهم لاني جدا كنت تعبانه ومافرحت كثير لان من تجارب البنات اليوم العاشر مو منااسب للتحليل المنزلي وثانيا لان زوجي بعيد عني كان عندو عمل وقتها .....المهم بعدها جااااليووم المنتظر اليوم ال14للتحليل رحت المستشفى ومعاي زوجي وامي ابوي الله يحفظهم لي كانو خطووه بخطووه معاي دخلت على الطوارئ جات الدكتوره المناوبه فهذاك الوقت سالتنا قلنا الها نبغى نسوي تحليل حمل قالت أي نووع ؟؟؟في ثلاثه انووااع لتحليل الحمل واحنا ياغافل لك الله ماندري عن شي فكتبت ورقة تحليل حمل عادي ورحت سوويت التحليل في المختبر طبعا خلال تنقلي في المستشفى كنت بعربيه لاني ماكنت اقدر امشي من كثر التعب والدوووخه وبعد ماسويت التحليل رجعت لدكتوره قالت تعالي اشوف بالسوناار شافت بالجهااز قااالت مفيش حمل ولا حاااجه وقتها عصبت وقلت لماما شفتي قلتلك مااافي حمل يالله نقووم المهم شوي ودخل زوجي في الغرفه قال ها ايش فيه؟؟؟ قلتله تقوول ماافي حمل يالله مشينا قال طيب انتظري شوويه اروح اشوف التحليل ونمشي قلت طيب ...وانتظر وانتظر وانا فغرفة الطوارئ الا جاا وقاااال التحليل يقول فيه حمل ....عااد امي وقتها ماقدرررت دموووعها سبقتها ...... جاات الدكتوووره مره ثانيه شااافت التحليل قاالت لأ لازم تسوو تحليل ثااني عشان نتاكد قصدها التحليل الرقمي انا وقتها كنت مره تعبانه وهي تلعب باعصابنا الله يسامحها سووويت التحليل الرقمي يعني سحبو من دم مرتين فنفس الوقت وطلع الحمد لله في حمل ذيك الساااعه اقتنعت اني حااامل .....بنااات لاتعتمدو على الدكاااتره مو كل شي يقولوه صحيح
بعدها رجعت بيت اهلي وانا مسدوحه ورا في السيااره واراسسي على على امي ومن قتها ماما تقولي ارفعي رجوولك يااعمرري عليها خايفه علي ماكان ناقص الا واطلع رجلي من شباك السيااره خخخخخ طبعا وقتها في السياره زوجي وصل الخبر لاهله بالحمل ...وماما مدرري ايش صاار فيها دقت على ابوو زوجي تقوووله مبررووك خلاا ص رااح تصير جد...والكل يدق ويبااارك وانا دمووعي اربع اربع يالله ايش قد كنت فرحاانه بقلبي بس مو قادره اطلع فرحتي من كثر التعب اللي انا فيه المهم رجعنا البيت جا زوجبي وحضني يالله حسيته اول مره يحضني قلي خلاص وراح يتحقق الحلم راح يجينا مين يملى علينا حيااتنا يالله كاانت طووويله علينا هذيك السنين واحنا ننتظر واخير جا اليووم الي حصير فيه اب,,,,,,, وبس جا الصبح زوجي سافر لمكان عمله وامي رفضت بتاتا اني ارجع بيتي قالت بس نراجع الدكتوره ونطمن على حاالتك وترووحي انتو الحين لاحظو اني اخذت ملابسي ليوومين بس وصاارت اسبووعين ....
والله يابناات شفت الووويل انوااع العذاب من الوووحم وبعدهااا رحت لدكتووره اللي متابعه عندها شكيت لها حاالي من امساك واستفراااغ بشكل فظيع حتى الموويه ارجعها قالت خذي هالادووويه وشووفي... طبعا وقتهها قالت لي انتي حملك صعب وخطروبس رجعت البيت انا حالي الى اسوأ اصير زي الي بغيبووبه اسمع باللي حولي بس ماقدر اتحرك او اتكلم من كثر الدوخه والتعب انا راح( اختصرر كثيرولا القصه فيها اكثر من هاذي الاحدااث) تعبت كثير كثير بحملي شفت الويل نهاية الشهر الثاااني سويت ربط وتنوومت في المستشفى وبعدها جاااني جفااف شديد ورجعت تنوومت بعدهااا جاااني نزززيف ورجعت تنووومت وهذا كله ابوي الله يعطيه العاافيه هو اللي
يوديني ويجيبني غير المرااات اللي اطيح عليهم فيها ومايقدرو يسولي شي وينادو
الدكتور لعندي في البيت يعني كل شوي وانا في المستشفى تعبت اهلي معاااي
يودووني ويجيبووني وينامون معي في المستشفى غير التكااليف والله يابنااات
تعبت نفسيا وجسدياا خاصة ان زوجي كان بعيد عني غير الحاله الي جاتني صايره بس ابكي ابكي على ايش مدرررررررري مررررت الشهووور الى جااا رمضان السنه اللي راحت كنت وقتها بالشهر الرابع طوول الشهر فطررت ماصمت الا بعض الايام بالقووه وحالي هو حالي بس متمدده بالسرير اهلي ماقصرو معااي تعرفون اجازه وكلن يبي يرووح ويتمشى الاهم قعدو واتحبسو عشااني هذا الشي سوالي ازمه نفسيه هم كل سنه يسافرو الا هاذي السنه قعدو باليبت المهم جااا اخر يوم برمضان وقتها دخلت الخااامس يوم التختيم بالحرم وانا اسمع للسديس الا يجيني الم قوووي فظظظيع فظظظيع وصرررت اصررخ الا وعلى جيت ابووي من المسجد واقووله الم فبطني موقادره خلاص قلي ادق على الدكتور تيجك قلتله لا وديني المستشفى مو قادره اتحمل
وجرري امي لبست عبايتها ومشينا على المستشفى دخلنا طوارئ شافتني الدكتوره المناوبه هذا ك الوقت وقالت تقلصاات واعطتني ابر بسكوبان وهدي الوووضع الحمد لله؟؟
وخلاص جينا نخررج الا قلت لاهلي برووح الحماام رحت الحمام وانتو بكراامه الا واشووف دم كثير خرجت ناديت امي قلت لها شووفي.... نادينا الدكتوره قالت ارجعي مره ثانيه على السرير خلينا نشووف بالسوناار شافت بالسوناار قالت في طلق طلعوووها ولاااااده ؟؟
امي طيب تووها بالخاامس قالت خلاص الرحم مفتووح بسررعه ولاده خااصة اني مسووويه ر ببط طلعت غررفة الولاده فكو لي الربط مانزل شي الحمد لله الا ثااني يووم وانا متنومه عندهم احس شي نزل مني ااحس بيدي الا امسك شي مادري ايش هو الا وبسررعه تجي الدكتوره تقوول هاذي رجل البيبي خلا ص يعني نزل الاول قلت الحمد لله... طبعا قلتلكم كان وقتها اول يوم بالعيد
النااس كلن بعيده الا انا وزجي اثنينا منوومين بالمستشفى هو كان مراافق معاااي الناااس تقول لبعضها كل عام وانتو بخير يجي يقولون لنا الله يعوضكم
انا حمدت ربي ان نزل وااحد وبقي اثنين وقتها قالت الدكتوره ندخلك مرره ثانيه نسويلك ربط ثااني انا كنت اقوول مابغى خلاص الي ربي كاتبه راح يصير زووجي اصر على اجرااء العمليه انا كنت تعبانه مره حرارتي صاارت تووصل ل39درجه وصااارت تجيني رجفه قووويه ... غير فقر الدم اللي وصل عندي ل6 يعني مره قليل وغصب عني دخلت وسوويت ربط مره ثاانيه عشااان زووجي وبس..... ثاااني يوووم من الرربط صااارت تنزل علي موووياات كثير فكو لي الرربط جااني طلق مرره قوووي صررت وقتهااا اووصي زوجي وامي وقلتلهم وصيتي واقولهم خلاص انا بمووت كنت حاااسه اني خلاص رااح امووت يعني من سريري رااح ياخذوني لقبرري انا وعيالي طبعا نزلو اولادي الأثنين كان ولد وبنت والحمد لله ياارب...يعني خلاص راحو عبدالله وابراهيم ومريم والله اكتب لكم ودموووعي على خدي ..... يعني راح الحلم راح الامل راحو عيالي اليى جنة الفردوس نلتقي رااح الله يجمعني بهم..... راح ابوهم غسلهم ودفنهم وانا ماقدررت اشووفهم لاني كنت ابكي باعلى صوتي فزوجي قال لاتشوفيهم خلاص فضحتيناا ....آآآآآآآآآآآآه يااارب.. وبعدها صاار عندي نززيف وسويت عملية تنظيف كنت محتااجه نقل دم ضروووري لان حالتي يرثى لها من نزيف وارتفااع شديد في درجة الحرار ه وضعف عام لان طوال فترة حملي ووزني ينقص ومافي احد فصيلته زي فصيلتي الا شخص نعرفه من بعيد الله يجزاه خير (ابو ليمار)ادعوله بالخير هو الي تبرعلي والباقين ماقصرو بس هو اكثر شي كاان مناااسب لي...عاانيت كثير فترة حملي وبعدولادتي جاني التهاب بالبول والتهاب في المهبل وبواسير وحصى في المراره الله يشفيني تجربه برغم انها جلوووه بس جدا كانت قاسيه علي
بنااات ادعوولي تكفوون ادعووولي ربي يعوضني عن اولادي اللي راحو ولكم بالمثل
ولكم بالمثل
ولكم بالمثل
طوول وقتي اذكررهم وابكي زوجي طول هذيك الفتره ماشفت دمعه منه الا مره شافني ابكي قلي انتي مو حاسه فيه انا شلتهم وغسلتهم ودفنتهم بيدي فاهمه ايش يعني بيدي
على باالك هذا هين وصرنا نبكي يالله قد ايش صعب هذا لمووقف
الحين كل ماشوووف بيبي اقعد امسك رجله لان هو الشي الووحيد الي مسكته منهم ......ياااربي رحمتك
سبحان الله خررجت من بيتي اقعد بس يووومين صاارت خمس شهوور وقتها عرررفت مين الصااحب الحقيقي ومين اللي تشمت بحاالي ناااس صدمت فيهم ونااس كبرو فعيني الله يقدرني وارد لهم جمايلهم علي
الله يحفظ لي ابوي وامي وزوجي واخواتي (الله يرزقهم بالأزواج الصالحين)واهلي ماقصروومعااي في ازمتي
اللهم لك الحمد والله اني راضيه راضيه باللي صار الي سبحان الله ربي اعطاني رضى كبير صح اني كنت ابكي لكن والله راضيه ودموعي هي اللي تخونني
الحمد لله
اللهم عوضني خيرا مما فقدت
لاحول ولاقوة الا بالله العلي العظيم
مدام سالي @mdam_saly
محررة
يلزم عليك تسجيل الدخول أولًا لكتابة تعليق.
احساسي انا111
•
مدام سالي ابشري بالخير ان شاء الله انا بعد اجهضت في الخامس وكان ولد وشفته يوم ولدته وابوه غسله ودفنه الله يعوضنا يارب اكيد كل شي باجره الله يرزقنا بالعيال اللي يملون علينا حياتنا
الله يعوضك بتوأم يملون عليك حياتك وينسونك سنين انتظارك ويسهل عليك
حملهم وولادتهم ويرزقك بأخوان لهم يارب يارب يارب...
حملهم وولادتهم ويرزقك بأخوان لهم يارب يارب يارب...
اللـــــــــه يعــــــوضك
ان شـــــــاء اللــــــــــه
بتـــؤام غيــــــــرهم
اختـــــــي كل ماتضـايقتــــــي تذكــري اجـرك بالاخـــره ويــارب يصبـر قلبــك
ان شـــــــاء اللــــــــــه
بتـــؤام غيــــــــرهم
اختـــــــي كل ماتضـايقتــــــي تذكــري اجـرك بالاخـــره ويــارب يصبـر قلبــك
الله يعوضك عنهم يكريم
الله يعوضك
الله يعوضك
ولكني سعيدة جدا برضاك وايمانك القوي الواضح ماشاء الله الله يزيدك ايمان كمان وكمان
اما انا لا اعرف احس ايماني يضعف وسواد بعيني ودموع لاتتوقف لااعلم ما اقول غير حسبنا الله ونعم الوكيل
الله يعوضك
الله يعوضك
ولكني سعيدة جدا برضاك وايمانك القوي الواضح ماشاء الله الله يزيدك ايمان كمان وكمان
اما انا لا اعرف احس ايماني يضعف وسواد بعيني ودموع لاتتوقف لااعلم ما اقول غير حسبنا الله ونعم الوكيل
ياحيااااااااااااتي الله يعوضك ويربط على قلبك ويصبرك ...
الله يعوضك عن مافقدتيه عاجلا غير اجل ..
الله يعوضك عن مافقدتيه عاجلا غير اجل ..
الصفحة الأخيرة