مدح المذموم .. +23 غير هادف

بسم الله الرحمن الرحيم وبه نستعين


تحذير ...

هذا الموضوع غير مخصص للناس اللي تترحم على الماضي

و أيضا هو مخصص +23 ومخصص للمدح لأن التكنلوجيا اشبعت ذما


أكثر شي يرفع ضغطي بالحياة و يجيب لي قلبه الكبد و انتفاخ القولون وووووو

الناس اللي تسب التكنلوجيا وهي مدمنه عليها و ترمي عليها كافة المشاكل السياسية و الاجتماعية

و تفرقة الناس كأن الناس كانوا كلهم براءة و صدق لا مشاكل لا حروب وما خربوا إلا بعد التقنية الحديثة

اللي خلاني أفكر بالموضوع اني مرة كنت ملازمة للسرير وكان معي جوالي الله يعطيني خيره

و يكفيني شره كنت فاتحته مره أسمع مقاطع ومره أتصفح ومره أفتح الصحف ومرة العب ومره

أشوف فيديو :f226:

حمدت ربي على هالنعمة من كم سنه كان كل شغله لها جهاز اذا بغيتي فيديو روحي لذاك الجهاز

وشغلي الاشرطة كبيرة الحجم قليلة التخزين كثيرة التلف واذا بغيتي تسمعين لازم تروحين لذاك المسجل

اللي يخرب جوك اذا انفل الشريط واذا بغيتي تلعبين لازم تشبكين جهاز الالعاب هذا اذا الأهل سمحوا

لك تستخدمين التلفزيون أصلا :(

أول لازم تطاردين إذا بغيتي كتب ولا قصص الحين بضغطة زر عندي اللي أبيه ومجانا و بدون

زحمة و حاجه لمكتبه تمتلي بكتب وناخذ مكان بالبيوت الصغيرة ولا جيتي ترمين تشيلين هم هي فيها

اسم الله ولا آيات

البحث صار من أسهل الأمور ما تضطرين تبحلقين في الكتب ولا تورم اليد من الكتابة حملي كم موسوعة

و اكتبي كلمة البحث و انسخي و اقتبسي زي ما تحبين


ما عاد فيه حاجة لشراء كتب طبخ ولا انتظار برنامج طبخ مقاديره مو عندك اكتبي الطبخة

و تطلع بالصور من ناس مجربين و فيديو بعد

تعليم الميك أب التسريحات كل شي متوفر يالله من فضلك وتقرين تجارب ناس كثير

في منتجات مقررة تشترينها يعلمونك الأفضل و الأسوء ومكان الشراء و توفرين وقت و مال

حتى التجارب الحياتية تلقين تجارب كثيرة آراء تنفعك و أقلها تواسيك

برامج التذكير بالصلوات و الصيام وحساب وقت الصلاة و المفكرات و أشياء ما عاد استغني عنها


كثير ناس تقول ودنا نرجع ورا أقول لها ارجعي لحالك ياتسبدي :biggrin2:أنا ما أبغى أرجع يوم واحد

بالعكس تمنيت إني يوم كنت صغيرة عندي تاب ولا لابتوب

كان مارتزيت عند القناة الأولى استنى الكرتون و تخرب علي الفروسية :ohwe:

كان طلعت طاقاتي بالرسم الالكتروني كان لعبت وقريت على كيفي

كان استفدت من قرآن الأندرويد اللي بلمسه أسمع للشيخ اللي أبيه و بلمسه ألقى

تفاسير الآيات و كذا ... كان ما قعدت أستنى أبوي يجيب لي شريط أناشيد مع كتابه :baby2:


أول ما شرينا الكومبيوتر المنزلي كان كبير الحجم كثير الأدوات كثير التعليق

الاتصال يجيب الهم و السيديات مرة تشتغل ومرة لا



تذكرت لما كنا نروح السوق وما معنا جوالات نتفق على موعد ومكان يلقانا ابوي

فيه بصراحة قمة الرعب :06: ما اتخيل الحين أمشي بدون جوال وخصوصا اني كثيرة الضياع

برامج التواصل المجانيه الواتس و شلتهم أحلى شي اتواصل مع اللي أبغاه في أي

وقت ومجانا وبدون عدد للأحرف ..

عن نفسي اتمنى التكنلوجيا تطور اكثر و تسهل حياتنا أكثر

من كم سنه لو أحد قايل لي بيجي جهاز صغير يجمع الكومبيوتر و المسجل و الفيديو

و الأتاري و الكتب و المصحف و الجوال و الحاسبة و الساعة وووووو كان قلت شكلي

بلحق و أنا عجوز :rolleyes:


الحمد لله على النعمة


وصلى الله على نبينا محمد