مدرسة المبدعون الأوائل العالمية .. الله يوفق أولادها ويسهل لها اللي ترد

بلللللليز

الرجاء من الإدارة ما تقفل الموضوع ولا تنقله لحد يوم الأربعاء بس


مساء الخير جميعاً

أمهات أنا سبق وكتبت تجربتي في البحث عن روضات لولدي هو عمره 3سنوات و10شهور

لما بدا الترم وجئت أسجله تفاجأت أن اغلب الروضات العالمية اللي كنت مختاراتها قفلوا التسجيل من الترم اللي فات

وبعد بحث طويل عن روضة تقدم انجليزي مكثف سجلته في روضة المفكر الصغير

سجلته يوم الأحد وكان في فوضى وزحمة بس قلت بداية الدراسة طبعا هذا كان أول أسبوع دراسي للروضة اللي حصل انه بنفس اليوم جاله العنقز وما داوم

الدكتورة قالت لي أسبوع ما يداوم لانه مأخذ التطعيمات ما يحتاج أكثر من أسبوع

داومنا يوم الأربعاء يعني الولد صار له 10 أيام ما داوم وهذا ثاني أسبوع دوام عندهم وآخر يوم في الأسبوع كمان

جلست معاه عشان يتطمن شويه وأخليه بعدين

تفاجأت بحجم الفوضى وعدم الانتباه واللامسئولية

أول شيء الأطفال مأخذين راحتهم ولفلفة بالمدرسة براااااااحتهم

جات أم وكلمت المديرة وجالية تقول لي المسبح حواليه مرة وسخ والمروش كأنه قطران

وبرضو ما هرجت مافي أستاذة لكي جي 1 وجامعينهم مع كي جي 2 مع العلم وقت التسجيل

قالوا لي إنه في كل فصل أستاذتين

والطاااامة عرضوا ع وحدة من الأمهات تمسك كي جي 1 ورفضت

ولما سألتها عن مؤهلها تقول لي ثانوي ودخلت ترم الكلية وسحبت

أنا كنت طلبت أتدرب عندهم للجامعة يومين في الأسبوع مساعدة وكان في وحدة سورية جاية تقدم عندهم وظيفة وحضرت المقابلة معاها عندها دورة في التوحد وتقول أنها درست عربي وفني ورياضيات ومعناها شهادة ترجمة في الانجليزي تقول ما قدرت تجيبها مع أحداث سوريا

ولما كانت تكلمها بالانجليزي مو عارفة تقول كلمتين ع بعض

وقدامي اللي عملت لها المقابلة تقول المديرة إنه ما تفقه في الأنجلش بس ممكن يستفيدون منها في الحالات الخاصة تفاجأت إنهم مسكوها الأنجلش تخيلوا ولما أكلم المديرة تقول مؤ لازم أهم شيء معاملتها

ولما سجلت قالوا في الفصل 10 أولاد تفاجأت بالضعف وانهم بيستقبلوا أكثر من الأماكن المتوفرة لدرجة مكتب القبول جالسين يشيلوا الأغراض منه عشان يسوونه فصل

طبعا أنا خلاص وصلت حدي وأكلم زوجي أسحب الولد يقول لا تستعجلين

لحد ما جاء وقت الانصراف الأولاد ع رأسهم وبنت قدامي تتسلق درج الابتدائي ومن الجنب كمان عالطرف ومحد حولهم

طبعا دخلت للمديرة وطلبت ملف ولدي وتعصبت مرررة وانتوا السعوديين دائماً مستعجلين لحد اول شهر عادي الفوضى ومدري إيه واصلا ولدك حركي كيف تبغينا نمسكه قلت لها كل أطفال الروضة كده وبعيني دخلت الفصل يصييييحوا ورجة والأبله في الوسط مطنشة

طبعا قالوا خلاص مافي فلوس فتح الملف والزي قلت أوكي بعدين قالت تعالي الأحد ذحين مافي كاش
أنا كنت دفعت 4500 ع أساس يرجع 3250 ولما راح زوجي أعطوه 1250 وقالوا الولد كمل أسبوعين

وقلنا مؤ مشكلة اهم شئ افتكرنا


دخلته روضة عادية جنب البيت مرتبة ما أخذ حاجة وقال عشان الأستاذة تغيرت قلت أوكي

كل ما أسأل الولد أش أخذت يقول بس لعبت لعبت لعبت وكنت أفكره يتريق

لحد مارحت وشفت انه بس في النطيطة والألعاب ولا بيصف في الطابور ولا كانه مسوي شئ ومطنشينه وعاااادي والمشرفة تقول خليه بالله ههههههههه واسأل الأستاذة تقول عادي قلت كل يوم كذه قالت ايوه

طبعا قررت انقله لمدرسة عالمية اسمها المبدعون الاوائل لسا باب التسجيل مفتوح لحد الربوع 10 أكتوبر

المدرسة مدحتها لي وحدة ودورت بالنت لقيت 3 يمكن مادحينها ومالقيه سب

وأنا كلمت بس تلفون وارتحت لها ولكلامها أبغى أي وحدة جربتها أو تعرف أحد فيه تقول الله يخليكم قبل الأربعاء لأني حأروح الأربعاء أشوفها وإذا الله كتب أسجله