مدرسه جايه المدارس تعالى قولي كيف تنظمين وقتك ولَك دعوه

فديتش انا ماعندي خلفيه عن هذا الموضوع،، ان شاءاللهه الباقيين بيساعدونش❤️❤️

انا مو معلمه حسيت اني ملقوفه وداخله عرض بس ماهان علي اطلع بدون ما اكتب شي ، يختلف من معلمة لمعلمه فيه اللي عندها شغاله وعايشه حياة رفاهيه وفيه اللي شايله عيالها على ظهرها وصايره لهم الام والاب من مذاكره لغداء وعشاء وتنظيف بيت ووو ، فأنتي قيسي بوضعك وسوي نظام امشي عليه خاص فيك لاتتبعين نظام احد لان الحالات والاُسر تختلف وليتك ذكرتي مثلا عندك اطفال داخلين المدرسه عشان يفيدونك المعلمات اللي مثل وضعك بس اشياء اساسيه تتجنبها الموظفه مهما كانت حالتها الاجتماعية واكيد انتي عارفتها بس مايمنع التذكير (طلعات بنص الاسبوع او سهرات مع الاهل - ترك قيلولة الظهر ) وانصحك ايضا تجهزين ملابسك حقت الدوام من الليل ويكون افضل تخلين الاستحمام وقت الفجر يعطي نشاط وحيوية.. واوراق العمل والتحضير خليها اول ماتصحين من النوم بعد القيلوله تكونين رايقه ولا تسوفينها الى الليل بتكونين بحاجه للراحه .. هذا اللي عندي وسنه حلوه عليك ان شاءالله مليئه بالنشاط والجد وتحقيق الأهداف

اهلين بعالم حواء بعد غياب ثمان سنين شوفي من خلال خبرتي انا مو مدرسه بس اسوي شغلات توفر الوقت والجهد اذا ما عندك شغاله عليك بمغسلة الصحون اذا انتو عايله من خمس اشخاص لاكثر بتوفر عليك جهد الله به عليم وطريقتنا نجمع المواعين ونفتحها يوم وترك طبعا تكونين منزله الاوساخ عنها بمويه وسلك الملابس اكويهم حق اسبوع كامل رااااحه قمصان بناتك ع الاقل ثلاثه اغسليهم جميع ونشفيهم كواية البخار اختصرت لي وقت كثيييير العموديه قدر الضغط باختصار يختصر نص الوقت راحه عظيمه الدقوس نسويه مع المجبوس سوي كمية كبيره وقسميها وثلجيها راحه الثوم افرميه وثلجيه بالقوالب صوصات البيزا نفس الشي قسميها وثلجيها خلي علبه فيها كلوركس وتايد والعملاق بالحمام بحيث تنظفينه سريع سريع بترتاحين المرق اعرف واحده تسويه مع اللحم وتقسمه وتثلجه وبس تسوي الرز الابيض شوربة العدس اطحني العدس وثلجيه والطماط والمعجون بعد الطبخ قسميه وثلجيه وعند اللزوم طلعي كميه من الاثنين وتمتعي باحلا شوربه نظمي الوجبات بالتزام الوقت العيال الصغار بالكثير تسع هم بالفراش نامي بدري لان وراك كرف كثير فالسهر بيتعبك الجوال حددي ساعات لك فيه عيالك علميهم يرتبون غرفهم و يلمون ملابسهم ويغسلون صحونهم اذا صار عمرهم اثنعش لاتحملين روحك فوق طاقتها مو كل شي لازم يتسوى تنظيف الصاله بشكل عميق مره بالاسبوع ومره او مرتين بشكل سريع

ماعرف

الله يسعدكم