سموره الأموره الأم الحنون الله يعطيكم العافيه
ايوه هو تبع ارامكو واذا يقدر يسأل الله يعافيك

الى الاخت ummahmd

بالنسبة للدراسة في بريطانيا للابتدائية زي ما قالت الام الحنون .

نظام الدراسة كالتالي بداية الاسبوع يوم الاثنين الى الجمعة والاجازة تكون السبت والاحد .

يبدا الدوام الساعة 9 صباحا و ينتهي 3 ويصادف هذا الوقت العصر او الظهر حسب فصول السنة

وانصحك من شخص مجرب انة اذا كان عند اطفال تجربين تدخلينهم لان الدراسة عندهم رهيبة من ناحية الاهتمام

والتعامل والاخلاص والطيبة غيركذا حتى لو ما كان اطفالك يعرفون انجليزي في خلال شهر يكونون يعرفون التعامل

بكل سهولة انا ابتعثت سنتين بحكم عمل زوجي وعشت سنتين وكان عمر ولدي خمس سنوات ولا كان يعرف اي حرف

وولدي مو جريء لاكن بعد ما دخل المدرسة صار طفل ثاني جريء اكتسب لغة في اسرع وقت وكان كل فترة يتطور

الين صار يتكلم انجليزي حتى بنفس الطريقة الي يتكلمون فيها لدرجة كان يترجم بعض الجمل اللي ما افهمها ..

ومن مميزات المدارس مايطالبون لا دفاتر ولا اي شيء تروحين المدرسة وتشترين اللبس الموحد والشنطة وشنطة

الرياضة اذا تبغين والاكل تدفعين اذا كنتي ما راح تسوين لة وجبة من البيت لاكن الافضل تشترين شنطة اكل ويكون

من البيت لان اكلهم غير اكلنا وما يستسيغونة عيالنا هذا بالنسبة للصف التمهيدي والاول والثاني والثالث اما المراحل

الاعلى فالظاهر يسلمونهم كتب.

هذا غير الرحلات والحفلات وحصص الاشغال اليدوية صراحة كان ولدي مبسوط لدرجة كان يزعل اذا جات الاجازات

وعندي ملحوظة اذا كان ولدك او بنتك يبكون من المدارس دوامي معاهم اسبوع الين ما يتعودون

وبالنسبة للمواصلات حاولي تكونين قريبة من مدرسة علشان تودين عيالك لانهم ما يتعاملون بالباصات

ام اذا كان سؤالك عن المدارس العربية فية اكاديمية الملك فهد في لندن والدراسة تكون انتساب

يعني تتصلين على الاكاديمية وتسالينهم عن شروط الانتساب وكلها طلبات سهلة وتعطينهم عنوانك ويرسلون الكتب

مجانا الا اذا كنتي معدية السن القانوني للتعليم فلازم تدفعين مبلغ 100 باوند (( جنية استرليني)).

اما اذا كنتي ساكنة في العاصمة لندن وقريبة من الاكاديمية فتكون الدراسة بانتظام اذا بغيتي

بالنسبة للمنهج يدرس منهج الاولاد و المذاكرة حاولي تكون اول باول في حال الانتساب علشان ما يصعب

عليهم وعلى العموم همة ما يصعبون ويعطون اسهل الاسئلة وبالنسبة للقران بدون معاني ولا تجويد بس يحددون

بعض السور النظر والغيب.

والانجليزي من نفس الكتاب وما فية حفظ للتعابير وهم اسئلتهم سهلة عموما وفرصة للي ما كمل دراستة انة يكملها

هناك واذا كان عندك اي سؤال تراهم يساعدون .................

وبالنسبة للامتحانات اما ان يكون الامتحان كل يوم لمدة اسبوعين او اذا كنتي بعيدة عن لندن زي حالتي تمتحنين

المواد

في يوم واحد او ممكن يساعدون ويقسمونة على يومين ولعلمك انا كملت المرحلة الثانوية وامتحنت كل المواد في يوم


واحد لاكن فعلا كان لة طعم ولان الامتحان اسهل من اي امتحان شفتة في حياتي.

على العموم انا طولت وثقلت دمي نصيحة اخيرة اذا كنتي بتعيشن في بريطانيا اكثر من خمس يسمح لك دراسة

الانجليزية مجانا اما اذا كنتي تابعة لشركة معينة فطالبوا الشركة باعطائكم امكانية للدراسة على حسابها .
احنا تابعين لارامكو ودرسنا على حساب الشركة وكمان اذا عندك طفل سن حضانة ممكن

يدفعون التكاليف ...

واذا كان عندك اي استفسار انا حاضرة...........

ولك تحياتي..........:26: :26: :26: :26:

ماشاء الله عليك ياصوت المطرعلى هالمعلومات
بس حابه أسألك عن

بما انك عشت هناك وخالطتيهم اش رايك في البنت اذاكان عمرها على11سنه وتدرس في مدارسهم
يعني علشان الاختلاط واختلاف العادات وهمه عندهم رياضه وماادري اذا فيه موسيقى ورقص
وتعرفين سن بلوغ وتتأثر فيهم
مادري ياليت تعطيني رايك انت وباقي البنات في هذا الموضوع

وشغله ثانيه اش قصدك انه الشركه لو الام درست تعوضهم بتكاليف الدراسه طيب وبالنسبه للأولاد؟

معليش باتعبك معايا بس صراحه مالي اللى الله ثم أنتم

هلا ummahmd.......

معليش اذا تاخرت في الرد عليك : بالنسبة لدراسة بنت في عمر 11 سنة اشوفها ممكنة على الاقل تتعلم انجليزي

صديقتي درست بنتها وهي في اول ثانوي طبعا بحجابها والصراحة الاجانب على عيشتي في قمة الادب ............

وملحوظة لازم تفهم بنتها انة هم غير عننا وانة احنا مسلمين ومو كل شيء نقدر نسوية زيهم وهي راح تقتنع ان

شاء الله....

اما بالنسبة للرياضة في رياضات حلوة زي السلة او الرياضة الصباحية ..

انتي على العموم اسئليهم عن نوعية الرياضة اللي يسونها وانتي بامكانك تشترطين من البداية عدم حضور بنتك

الحصص الثانية مثل الموسيقى وغيرة من النشاطات اللي مو حبتها وهم راح يحترمون رايك وراح يعطونها

بدل هاذي الحصص حصة تقوية في الانجليزي او كمبيوتر ولا يكون على بالك لانهم يحترمون تقاليدك ودينك ...

وبالنسبة لدراسة الامهات يعني احنا كنا تابعين لارمكوا واتفقوا كل المبتعثين من نفس الشركة انهم يطالبونها

دخل للدراسة حريمهم اللغة الانجليزية وكمان تكاليف حضانة ووتكفل ارمكوا باعطاء الشخص المسئول عن البعثة

انة يرتب لكم كل الاجرائات يعني يدرو مدرسة لكم وحضانة لعيالكم دون سن الدراسة بتكاليف توافق المبلغ اللي راح

تحددة ارمكوا لهاذي الخدمة .....

اما بالنسبة لسن الدراسة في المدارس الانجليزية من اول ابتدائي الى الثانوي فهو مجاني وما يكلف ولا باوند..

ولكي تحياتي :26: :26: :26: :26:

ماقصرتم جميع الله يعطيكم العافيه
بس باقي آخر شغله اذا أحد يقدر يجيب لي رقم الأكاديميه
ووفقكم الله جميعا:26: