RED ROSE @red_rose_2

محررة ذهبية

مدري إلى متى ..وحنى نتصرف بهالطريقه ؟؟؟

السلام عليكم ورحمة الله وبركاته

كل عام وانتم بخير يابنات حواء ...عيد سعيد

وينعاد علينا كل سنه ...

الموضوع اللي راح اتكلم عنه ..يخصنا حنا يامعشر..النساء..

وهو تصرف بعضهن بهمجيه بالسوق :mad:

انا ابفهم ليش كل مادخلت محل احس اني داخله ((حراج بن قاسم))

الأغراض منشله ..وبعضها مرميه بالارض ...طيب اعجبتك قطعه موضروري تحوسين ابو الخلاقين عشان تلاقين اللي يناسبك ...انتي تعرفين مقاسك وتشوفين الألوان قدامك ليش كل هالحوووووس اللي ماله داعي ...ليش ؟؟

ولا الوحده اذا طيحت الاغراض تتركها وتروح ؟؟((شيليها ورجعيها مكانها ..ماراح يضرك شي ..المفروض الواحديكون ((مرتب وايتكيت ))في كل مكان مو بس في البيت ..

تدرون وش قاهرني ..وش راح تكون ردة فعل الاجانب ((الاروبيين ))اذا دخلوا اسواقنا وشافوا هالفوضى ...لاتقولون مايهمنا ردة فعلهم ..المفروض اننا نعكس صوره حلوه عن مجتمعنا ..

طيب إذا قالوا عننا اننا همج ومتخلفين ..وش راح تكون ردة فعلكم ..؟؟راح تطنشون ؟؟؟

..اكييييد لا ..راح تزعلون وتتحسبون عليهم ..وماتدرون اننا حنا السبب في كل هذا :44:

المفروض ناخذ منهم ترتيبهم ونظامهم ..مو نأخذ الاشياء السلبيه اللي عندهم..

كله عاد كووووم ..والمحاسبه عند الكاشير كوم ثاااني

مطاقق ..((شوي شوي ترا ماراح يطير المحل ..

تدرون اني قبل امس كنت بهايبر ماركت ..خاص بالملابس اكثر شي ..كانت وحده ماسكه سرى مع الناس ..ووصل لها الدور وحاسبت ...لحد هنا تمااام صح؟؟
فجأه طلعوا لي خواتها ومعهم سله ملياااااااااانه ملابس ..إيش تتوقعون سووا ...أرسلوا الاغراض لأختهم تحاسب ..وقدامهم 6 اشخاص جالسين ينتظرون

عـــــــــجبـــــــــــــــي

وياكثر ماتصير لي مواقف...مثلا.. تجي وحده وتدخل عرض وتحاسب قبلي مع اني انا جايه قبلها ..((وش ذا ))

ولا بعضهن الله يهديهن يضيعن الفاتوره ويجن يتهاوشن مع البائع إذا رفض يبدل ولا يرجع لها قطعه وصوتها واصل لأخر السوق..وكأنه هو المسؤؤل وهو عامل مسكين ((عبد مأمور))مابيده شي ..سوى انه يطبق
((((النــــــــــــظــــــــام)))

..................................................................

مره كنت في احد المراكز الكبيره بالرياض ..وكان بالمحل ((بنتين ))شكلهم سائحات من اليابان او الصين ..والله اعلم عاد ..المهم وحده منهم واقفه قدام ستاندر تطالع بلوزه عجبتها ...وهم بطبعهم نعومين في ملاحظتهم واختيارهم للبس مو مثل ربعنا الله يهديهم ..((اذا بغت تختار قطعه ...تمط ابو ابوها عشان تشوف هي مناسبه ولا لا هههههههههه ..وهي واقفه تناظر البلوزه إلا وتطب عليها وحده وتخطف البلوزه ..شكل هالاجنبيه انهبلت ..ضحكوا وطلعوا ...وقتها ضحكت ...ياوالله الفشيله ..

.........................................

بس دايم اللي يحز في نفسي المظهر الخارجي لبعض النساء ...((((وش ذااا))عبايه ملطخه ...وصندل متقطع ..والمشكله ان اغلبهن اشوفهن يشترن بأغلى الاثمان يعني ((ماعليهن))

فيه شي اسمه ...((نظااافه ))و(((ترتيب ))مو لازم تكونين مبهذله عشان ماتلفتين الأنظار ...وش هالتفكير ..
يعني عاجبك منظر عباية وسخه ومشققه :09:

((ان الله جميل يحب الجمال ))

تدرون ان عندنا كل شي يأهلنا نكون من الدول المتقدمه ...ولكن اغلب الناس هي السبب ..:44:

شكلي طولت هذره ...إلا ايدي تعبت بعد

انتظر تفاعلكم ..

bye

:27:

يلزم عليك تسجيل الدخول أولًا لكتابة تعليق.

تسجيل دخول

REEMA 26 • 17 سنة

ههههههههههه

والله انا من فترة يمكن سنتين كذا ..اذكر رحت محل نسيت وين...والا الحريم مجتمعين كل وحدة بمكان يلبسون عيالهم الملابس<<<يبون يشوفون تجي قدهم ولالا..المشكلة مو هنا المشكلة ماتجي على ولدها او بنتها وتنطلها وتاخذ غيرها وهكذا<<مافي اسلوب
طيب لو هي تشوف اللبس قده او لا من برا لـــبرا احسن من انها تلبسه وتغير كل شوي!!

<<والله اني كنت لمن اشوف شي ويطيح مني احاول ارجعه مكانه((هذا اذا ما سبقني عامل ورجع قبلي هههه))

وغير كذا صارت الرياض زحمة بكل شي..وفوضى في اكثر اسواقها..ومن الزحمة ماصار في اتكيت ابد<<<ياخذون اغراضهم ع السريع

RED ROSE • 17 سنة

REEMA 26 :

ههههههههههه والله انا من فترة يمكن سنتين كذا ..اذكر رحت محل نسيت وين...والا الحريم مجتمعين كل وحدة بمكان يلبسون عيالهم الملابس<<<يبون يشوفون تجي قدهم ولالا..المشكلة مو هنا المشكلة ماتجي على ولدها او بنتها وتنطلها وتاخذ غيرها وهكذا<<مافي اسلوب طيب لو هي تشوف اللبس قده او لا من برا لـــبرا احسن من انها تلبسه وتغير كل شوي!! <<والله اني كنت لمن اشوف شي ويطيح مني احاول ارجعه مكانه((هذا اذا ما سبقني عامل ورجع قبلي هههه)) وغير كذا صارت الرياض زحمة بكل شي..وفوضى في اكثر اسواقها..ومن الزحمة ماصار في اتكيت ابد<<<ياخذون اغراضهم ع السريع

ههههههههههه والله انا من فترة يمكن سنتين كذا ..اذكر رحت محل نسيت وين...والا الحريم مجتمعين كل...

حالنا يحزن ...نفششششششششششل

اذكر مره وحده بزارا حاجزه لها زاويه وتقيس لبنتها ...كرهت نفسي من هالحوس

منوره عيوني.

RED ROSE • 17 سنة

..اب..

الااا كبريااائي • 17 سنة

:booo:وهي واقفه تناظر البلوزه إلا وتطب عليها وحده وتخطف البلوزه ..شكل هالاجنبيه انهبلت ..ضحكوا وطلعوا ...وقتها ضحكت ...ياوالله الفشيله

ههههههههههههههههههههه هههههههههههههههههههههههه:booo::mad:
وش بيقولن عنا ذاليابانيات هذا حال سوقنا معط ومماعط:024: :icon810:
بس امسكي القطعه اللي بتشتريها زين عشان ماتجيك وحده مدرعمه تضفك انتي وياها
هههههههههههههههههههههه الله يوسع صدرك بالعافيه

البتول الهاشمية • 17 سنة

حلو موضوعك
التسوق فن وذوق وحسن تعامل ولو الانسان راقب ربه في تصرفاته كل شي حيكون تمام
واكثر ما ينرفزي في السوق الصوت العالي :mad:
حرمة كانت أو رجال
بس الحرمة طبعاً أكثر لأنها من سمتها الهدوء والرقة :27:
يلا نبدأ بنفسنا وكل وحدة تفكر إيش أخطائها في التسوق ونحاول نحسن من طريقتنا في التعامل