مدري ارجع ولا اطرده مرة ثانية

السلام
والله زوجي واحد مهمل من سوا حادث بسيارته خذ سيارة اخوه
رخصته منتهية واستمارة اخوه منتهية وحالتهم حالة وكله من اهماله كل يوم يقول الحين بجدد الرخصة ويطنش
امس طلعت معاه يوصلني عند اختي بقط لها اغراض عند البيت
وساكتين والله وهو مندمج مع ام كلثوم حقته فجأة اشوفه يقول
ول هذا من وين جانا توه الشارع فاضي من وين طلع
اطالع ورا اشوف دورية لاصقة فينا وشغلت السيفتي لفينا وهو يقول الله يستر عليك وخر عن طريقي ولا وين العسكري بيفلته عطاه نور عالي اوقف يعني اوقف صار يضحك ويقول
اهلا اهلا بالعيد مرحب مرحب بالعيد الله يسود وجهك ياوجه النحس مين بيفكني الحين منه
والله نزله
العسكري قاله الرخصة والاستمارة الله لايهينك
انت مخالف تعرف ايش مخالفتك
زوجي قاله لا والله
قاله شوف انوارك الخلفية مطفية قال اووه خربانة والله توها خربانة الحين شكلها على علمي قبل شوي مافيها شي
زوجي حاول يراوغ قاله جيب رخصتك واستمارتك جاب الرخصة منتهية والاستمارة مو على اسمه قاله روق علينا ياطويل العمر ترا انا شخص ملتزم
العسكري قاله شخص ملتزم وتسوق رخصة مطوفة واستمارة مطوفة ومو على اسمك
قاله مالي دخل هذا اخوي
والعسكري قاله ماعرف اخوك اعرفك انت
والله فلم فيه العسكري كل شوي يصور اللوحة ويصور اثبات زوجي
العسكري قاله زبط ورقك ولاتسوق مرة ثانية بهذي الحالة سلامات
وطلع زوجي قالي انا ٢٠ يوم اسوق بالسيارة هذي ماحد وقفني كم تفتيش مريت منه ماحد قالي وينك اليوم طلعتي فيها
دورية المرور طلعت من تحت الارض وهذي اخرها مخالفات بالجملة
نزلت عند بيت اهلي وقالي ارجع اخذك بعد ساعتين قلت الله لايهينك لاترجع بكرى تجيب اغراضي كلها مع بناتي وولدي وابدأ اشتغل على الطلاق ورحمة ابوي تحت ترابه ما برجع لك ولو تفرش لي الارض دهب وورد
هو انصدم من كلامي صكيت الباب بوجهه وقفلت جوالي فجر الجوال اتصالات مقفل اتصل على امي
رفضت اكلمه وامي تقولي شفيكم واخواني
اخوي يقولي تبغي تتطلقي وعندك ٥ وايش سبب طلاقكم قلت ما ابغاه بعدين قصيت عليه السالفة
قالي يعني عشان كذا تعرفين زوجك يثرثر بزيادة الا اخوي الكبير وقف معي قال بأدبه خليه يجي بس يايتأدب يايطلق وينقلع
والله هو جا ودخل جلس رفضت اطلع له خليه ينقلع النفس عافته وعافت الحياة
قعد يسولف واخوي طلع له هزئه
قاله زوجي لايكثر انقلع شقتك ولاتسوي فيها ولي الامر ويتكلم مع امي وبعدين دخل بالغصب عندي كلمني يقول افا زعلتي مني انتي تعرفيني امزح معك احب المزح معك اخرها تطلبي الطلاق
قعد يسولف ويقولي ريحي اليوم وارجع بكرى اشيلك
والله مترددة خليته يعتذر غصب عنه بس مدري لي كم يوم منفسة بخاطري اكمل عناد الين الطلاق او يتأدب ومرة ثانية افكر بوضع بناتي وولدي حرام متعلقين فيه كثير ولدي ينتظره عالباب كل يوم ما ابغى اخرب حياتهم بس مشكلة تراكمات عليه وماعاد طقته