مدري اسميها انانيه !

السلام عليكم صبايااا
بدخل بالموضوع على طططول
انا وزوجة اخوي حملنا سوا والحين عيالنا اعمارهم سنه واحس هي ماتبغى ولدها يحتك في ولدي ودايم اقلها في ملابس جديده ونظيفه اذا تبغيها لولدك خذيها وتجلس تصرف الموضوع
احسها ماتبغانا نحب ولدها وماتبغانا ناخذه معانا في مشاوير صغيره وماتبغي ولدي بالذات يحب ولدها ويلعب معاه
حتى بالقروب ماترسل صورة ولدها الا اذا طلبنا منها
واخوي اذا طلبنا منه صور مو فاضي لنا وينسى مو قصد بس هو من النوعيه اللامبالاه يعني ذي المفروض تسويها الزوجة
وحتى لما نتجمع كلنا عند اهلي والبزران كلهم يتجمعون تجلس تنادي ولدها وهو مسكين ومبسوط
وهما ساكنين في الشرقيه واحنا في ينبع يعني نادر مانشوفهم
بس قاهرتني في سالفه الملابس يعني اشوف مافيها شي بدل ماارمي الملابس اعطيها ولد اخوي وهي والله جديدة ونظيفه بس صارت ضيقه عليه
وانا الصراحة احب ولد اخوي هذا بالذات محبته من محبة اخوي لان اقرب واحد لي من اخواني بس مدري هي ايش وضعها تغار او كيف
مدري انا غلطانه والا صح ، في احد صارت معاه زيي مع زوجة اخوها