مدري اسميه استغفال او انه......... تعاااالو

السلام عليكم ورحمة الله وبركاته
كيفكم ومساكم الله بالخير
عندي جاره ساكنه بعدي بشارعين تخيلو بينا زيارات وحلوين مع بعض لكن في السنوات الاخيره تخيلو معد تحرص ازورها في بيتها بس تفرح اذا طلبتها تجي عندي زوجها يشتغل بنفس شغل زوجي لكن زوجها مدير ودوامه صباحي وانا زوجي دوامه يأخذ يومين يبيت بالدوام
وانا ماعندي احد اهلي بعيدين عني ١٧٠٠ كيلو 😭😭
تخيلوا انها صارت تنتظر حاااجتي في أن أحد يونسني اذا استلم زوجي تصصصبر الين ارسل واقول تعالى عندي اسهري معي. وتجي بكل حب


واذا ارسلت لها قلت ابجيك قااالت مشغوله وتتعذر


هي قد اعترفت لي ماتحب التنظيف مع ان زوجها اذا زرتها ومن ووووووين لوين ازورها. الاكل من المطعم. واصلا هي تعترف دايم يطلبون من المطعم


تخيلو واذا كلمتها وقلت تعالى تقووول لا انتي تعاالي. وهي عارفه ان زوجي مستلم في الدوام😳 تعرف من زوجها لأنه المدير في دوامه وزوجها يعلمها بكل الأخبار هي تقوله


وتقول الان ابيك تزوريني واقول زوجي مستلم اليوم تعالى انتي وازورك اذا رجع زوجي😒


وتعيد نفس الموال ارسل لها واقول بزورك وتصررررف😳


هي تنبسط مرره معي بس كسوله واشوف بعيني اذا زرتها البيت مو مره نظيف


انساانه اتغفلتني واستغلت حاجتي لها مرره حسيت فيها خبث


لا تقولون يمكن زوجها مايبي احد لاااا. هي اصلا قد قالت انا اهم شي عندي اني اطلع من البيت وحاطه بنظرها أن الناس يعزمونها وهي تروح ولا تستقبل في بيتها.


ربي كشفها لي بعد استغلال سنين وقسم بالله مقهوره منها