هههههههههههههههههه
ياحليك ماشاء الله اسلوبك حلوووووووووووو
وترا مافيك الا العافيه وطبيعيه 100%
مجرد ان لكل انسان شخصيته اللي يتفرد فيها
>>>>اقول منااااك
:icon29:
وانا ترا مثلك الرومانسيه من طريق وانا من طريق :icon30:
مره كنت مع وحده من صديقاتي ويوم درت اني ماقد سويت ليله حمراء على قولتهم لرجلي انهبلت وحسفتني وضيقت خلقي وحسستني اني منيب مره سنعه واني مقصره وووووو :ohplease:
المهم قلت بس لازم اسوي حركات لرجلي، على الرغم انه كم مره يتطنز على اللي يسون كذا، بس قلت في خاطري يمكن انه هلاس ويسوي نفسه، خبركم الرجال اذا قاموا يسوون يعنني :humm:
المهم ورحت ابو ريالين وشريت حركات وشموووووووووووووووع وشششش كثرها وجهزت ليوم ذكرى زواجنا، وكان يصادف عززززز البرد، واجيك متحمسه واحط طاوله بالحوش وعليها ذاك المفرش وكرسيين وارز صورة عرسنا ووردتين (كملنا سنتين) وعصير واجيب كيكه من باسكن روبنز لاني اعرفه يحبه (لاحظوا كل ذا في عززززز البرد:biggrin:) واقوم واتفلسف والبس فستاني حق زواجي وكان مشخلع (في عزززززز البرد:icon36:) واجهز الشموع وكل ما ولعت وحده طفاها الهوى واحتاس وانعفس ويقوطر خشمي من البرد وحاااااااالتي حاله همن ارتزيت يوم قرب يوصل ورزيت الكيكه وقعدت اتنافض من البرد وكل ما ولعت الشمعه اللي فوق الكيكه طفت وبدت تذوب الكيكه وتقوطر على المفرش وانا شاقصه وخشمي يقوطر همن من الحماس يوم سمعت الباب والتفت بسرعه وادف كاس العصير واكبه على المفرش ويتبلل ويقعد العصير يقوطر من الطاوله >>ياكثرك انت والقوطره :024:
همن يوم جا ويرتاع من شكلي (لانه يدري اني براده واظاهر اني كنت مزرقه شوي من البرد:biggrin:) وقال لي يله ادخلي وش ذا مهبوله قلت اصبر ياخي خل نسوي رومانسيين الليله ذكرى زواجنا ورحمني ضعيف يبي بس نخلص بسرعه وندخل واقص الكيكه الذايبه واحط له قطعه وانا قطعه وبسرعه ناكلها وبسرعه ننقز ندخل ونظف حوستنا
والزبده اني ما قدرت اولع ولاااااااا شمعه من اللي شريتهم + الكيكه ذابت وصارت مطاريس + العصير انكب + الدنيا كلها تقوطر + البرد لعب بحسبتنا
همن من باتسر طحت تعبانه :hahaha:
خخخخخخخخخ
عقبها قلت توبه لا انا ولا هو ننفع خلنا مثل ما احنا ابرك بس ههههههههه
بس الصدق بطانيتنا وحده وكبييييييره عشان لا شد ولا سحب وياويله لو يفكر يجيب له بلحاله :icon10:

يااالبى قلبتس بس ..!!
والله أنتي رومانسية ..!! ماشاء الله تبارك الله .. << حسيت إني دفشة ..!!
تكفييين وين طالع النجووم معه .. نرفع روسنا إلا هالغبار يملآ العيوون ونرجع شهبان لهبان << يعني كلي غبار ..
الله يهنيك بحياتك يااارب ..
ويسعدك ..

ههههههههههههه
فطست ضحك عن جد مواقفك من الاخر

الله يوسع صدرك بالعافية ياحلوووووو اسلوبك ينقط عسل والله اني مت من الضحك ياحبيلك .. والرومانسية وآآه من الرومانسية بقولكم مرة,, قلت يابنت ليه ماتسوين زي اللي يقولون ليلة حمرا ولا بيضا ولا زرقا .. المهم قررت اني اسوي ليلة بدون الوان<<<<ههههه
المهم صفيت ذيك الشموع وزينت الغرفة ونثرت الورد وتلبست وتمكيجت وقعدت اتحرى ابو الشباب ومن الساعة 12وانا استنى وجاني النوم ونمت وصحيت الساعة 4 وابو الشباب ماجا ويوم قمت كان فيه شموع انا حاطتها عا لطاولة والطاولة عليها ذاك المفرش الزين ..
وافتح عيوني والقى بقايا شمووووع والمفرش راح وذابت عليه الشموع .......وتنقلب ليلتي من ليلة رومانسية الى ليلة انتقام ...واقعد استناه الين جا .. وعسى مانتم رجلي بذيك الساعة ... ويابنت الحلال انا مادريت ليش ماقلتيلي ليش ماتصلتي علي ... <<<<<<ليش ماقلتلك
انا اوريك ماعاد فيه ليالي رومانسية وخل الاستراحة تنفعك <<<<خخخخخخ عصبت اتذكرت الموقف ...

لا ومرة زوجي راح دورة لمصر وكنت حامل بالثامن يعني ما اقدر اروح ... المهم جا يوم الوصول
وقلت يابنت تزيني وتعدلي وانزلي تحت استقبليه طبعا تحت اهل المحروس .. ومن زود السناعه ابي استقبله من اول ما يفتح الباب
اكون بوجهه .. وطبعا كان امه وخواته قاعدين المهمم انا مرتزة جالسة اترقب لحظة الوصول ويدخل ابو الشباب وانا ارتز انا وكريشتي
ودخل وسلم على اميمته وخواته ورجع يجيب الشنط من برا >>>>>>> حسبي الله على ابليس وانا >>> وجهي صار احمر وازرق وبنفسجي والدموع تتشاور تطلع ولا لا ... وانا للحين مرتزة ...والعرق يتصبب.....
وينادونه يا.......فلان ....... دلوعة ماسلمت عليها ..وانا في خاطري خلاص ماعاد ابيه هالسلام ...
ومن يومها.............. وانا مااستقبله اذا جا اهرب للحمام ولا للمطبخ ولا في غرفتي >>>>>>>خخخخخخخ وحدة ماتنسى... شفتوا تجاربي الاولى مع الرومانسية والسنع >>>>>> توووووووووبة من دي النوووووووبة .........................

لا انتي طبيعيه تعجبيني ( لآإفرآط ولآ تفريط )

من اللي اشوفه من سوالف البنات احسها قطة وجه !