مدري الي سويته صح اولا

صباح الخير 
بنات حصلت بيني وبين زوجي مشكله وابي حل لها 
بدخل بالموضوع على طول وبقولكم السالفه
انا من كم سنه وانا احاول في زوجي يسفرني برى المملكه وهو يرفض مع انه هو يسافر مع اصحابه بس من وراي واكشفه المهم الي حصل ان زوجي قالي انه يبي يسافر لدوله يبي يخلص له شغله فيها ويرجع وانا قلتله خلاص بروح معك قالي دام اني بروح باخذك معي من جهه اخلص الي ابي ومن جهه تصير تمشيه وسياحه لك معي وانا فرحت لاني من زمان انتظر هالسفريه و وضبطت كل شي 
وبعد كل هذا تفاجات فيه يقولي ترى ماراح تروحين لحالك خواتي بيروحون معنا يبون لهم حاجه هناك مع العلم ان خواته متزوجات انا هنا زعلت وقلتله
هذه السفريه انتظرها من زمان ويوم حصلت منك تقول ماراح تسافرين لحالك وقلتله انا ابي اخذ راحتي مع زوجي ابي البس على كيفي واتدلع معك على كيفي واطلع واجي على راحتي ماابي اتقيد باحد بعدين زعل وقعد يهاوش ويقولي هذولي خواتي وانا ماراح اطردهم قلتله قولهم انا مواعد زوجتي نبي ناخذ راحتنا مع بعض وزعل علي وقالي اصلا مافيه روحه لك لحالك تبين تروحين اهلا وسهلا مع اهلي ماتبين اجلسي عند اهلك والله حز في خاطري كلامه احس انه مايداري خاطري ليش هو مواعدني يقول بتكون لي ولك نتمشى على راحتنا ليش غير كلامه والحين انا محتارة وزعلانه 
وخايفه انه يروح يقول لاهله اني قلت ماابيهم معنا ويزعلون ماادري وش اسوي 
شيرو علي تكفون .