مدري انا حساسة ولا معي حق

السلام عليكم

انا متملكة لي 7 اشهر تقريبا طبعا انا و خطيبي نكلم بعض باستمرار وهالشي يجيب مشاكل و سوء فهم


من اسبوع تقريبا كنا نسولف و قلت له سالفة عصب و زعل منها و قالي السالفة بايخه زي وجهك

انا انصدمت من كلمته لي و هو اخر انسان اتوقع يسبني في شكلي رغم اني والحمدلله والله والله اني من بعد م تملكت صارروا حريم يسألون عني يبغون يخطبون لمن تقول لهم امي البنت نتملكة يقولون لييييه البنت صغيرة ليه استعجلتوا عليها اكيد خافوا تطير منهم قالوا يخطبون يوم كتب الكتاب قالت له امي ترى بنتي حساسة يعني امي تعرفني و علمته و اعطته خبر


المهم انا زعلت و حزززززززززززززت هالكلمة في نفسي قلت له ليه وش فيه وجهي ليه توافق علي من البداية ليه ما رفضتني و قلت لامك وجهها بايخ ترى والله ما ازعل و بعيش حياتي


تأسف واعتذر وقال انا ما اقصد و انها عفوية و جلس يحلف و يراضيني

الزبدة: مو قادرة اتقبله من اسبوع ولا اتقبل اي كلمة حلوة احسه يكذب علي رغم قناعتي انه يحبني و يشوفني ملاك بس عجزت اتقلبه والله احس اني اجامله خلاص م تقبلت هالشي منه حتى لو بمزح قلت له انا مو واحد من اصحابك علشان تقول لي كيذا

اليوم كامل ما كلمته ولا ابي اكلمه احس اتي مجروحه من اسبوع مو قادره انسى




اعطوني ارائكم بلا تجريح