كيفكم ان شاء الله الكل بخير
لحظه شوي بس احك قروني وارجع اكتب الموضوع
من جد اليوم اخواتي حسسوني اني شيطان ولي اربع قرون يعني شيطان مشوه :44:
السالفه طلعنا للفيصليه نتسوق وشوي دخلنا محل مشغل ذاك الميوزك الغربي الي يهز الارض هز خير ماكنا في الرياض انقهرت مررره والمشكله الحريم يشترون وعادي عندهم وفيه واحد من اللي يبيعون شغلته مسنتتر عند الباب يوم جت الهيئه دخل وقال جت الهيئه وسكروه شوي وطلعة وانا اغلي ليه النصح وانكار المنكر بس علي الهيئه وطلعة وقالت لشيخ الي في الهيئه عن المحل وقال الله يجزاك خير :27: وريته المحل ورحت وشوفهم سحبوه وخذوه معهم
وشوي نزلنا تحت في دور البار كنق علشان محل المهباج وقدامنا بنتين صغار يعني ممكن 15 سنه ويرتبون شعورهم كنهم بقابلون عريس وعلى طول استقبلهم شاب شكله اجنبي يعني في 18 وسلم على وحده منهم وباسها قدامنا ودخلنا المهباج وانا منقهره ويوم طلعنا لقينهم في زاويه يسولفون وشكلهم رايحين وطي ويوم طلعنا قلت بعلم الهيئه قالو اخواتي حرام عليك انتي شرانيه :icon33:
شفت حق الامن قلت وين الهئيه قال الهيئه ماتجي هالوقت خلاص قال ليش امري علمته وريته الولد لانه كان تحت مدري وش ينتظر والبنت راحت واخذه وجالس يكلمه ويقول له من البنت الي معك وكيف والولد خاف قال بنت خالتي عاد انا كنت معهم لاني بغيت اروح قال السكيروتي انتي متاكده ويبي شهادتي قلت ايه وهاوشت الولد قلت الله بسخط علينا منكم ولوها بنت خالتك قابلها بين اهلك مو منتحت لتحت وتحيسبت ومشيت وبعده استلموني اخواتي واحس اني طحت من عينهم :44: ويقولون خاف ربك يمكن ربي يعاقبك لانك تخربين على الناس وتقطعين رزقهم قصدهم الي يبيع ويمكن يدعون عليك قصدهم الولد والبنت ومن الكلام الي يخووف
وشرايكم انا ملقوفه ولاهم سلبيين ؟؟؟؟
<<< هذه العضوه تصفق لك
من جد الى متى نسكت على هالمهازل
الساكت عن الحق شيطان أخرس
وأنت أنكرتي عليهم وضعهم جزاك الله خير والله يكثر من أمثالك