مدري انا غبيه او اخت زوجي حقيره !!

باختصار يااخواتي انا احسسسس نفسي غبيه اخلي نفسي طوفه هبيطه لكل الناس وخصوصا خوات زوجي

راح اقول لكم قصه صارت معايا وشكلها بتتكرر الشهر هذا انا وزوجي متزوجين من 6 سنين وبينا حب كبير الله يديمه وللان ربي مارزقنا اطفال وحالتنا الماديه على قدنا الحمدلله مكفيتنا لكن ماتكفي احد معانا خوات زوجي موجهات وممرضات ولا وحده عاطله الله يزيدهم يارب المشكله خوات زوجي يبون يطلعون كل مكان معاي والادهى والامر يبون الصرفيه علي انا وزوجي كل شي ونحنا زي ماقلت لكم نكفي انفسنا بس مانقدر نصرف ع احد معانا قبل 6 شهور طلعنا سفره لااوربا واول ماسمعت اخت زوجي ماراحت لااخوها جاتني انا قالت قولي له اني اروح معاكم واقط حقي معكم طبعا اخته كبيره بالعمر وموجهه قلت تمام وجلست ازن على راس زوجي انها تروح معانا قلت مسكينه تغير جو وتتمشى رغم انها طالعه قبلنا مرتين بنفس السنه مع اخوانها الثاننين واقنعت زوجي ووافق وحجزت معانا وليتني مااقنعته نكدت علي سفرتي كلها نحنا ميزانيتنا محدوده وهي كل شي مو عاجبها لاااكلنا ولا المطاعم الي نروح لها وتبي نطلع تكاسي خاصه باجره يوميه وعلى حسابنا وهي ماتدفع ولا ريال وانتوا عارفين الاسعار هناك كيف والاعظم انها جلست تتطاول علي حتى على شكل زوجي ووزنه تتكلم انا بالمزح اقول لزوجي اسمن تقوله لا اسحب عليها لا تسمع كلامها خليك كذا وتناظرني بنص عين قدام زوجي تقول انتي وين عايشه ؟؟ والحين مكلمتني تقولي اقنعيه لا طلعتوا المره هذي باطلع معاكم ايوووه وازيدكم من الشعر بيت بس تعيب على طولي لاني اطول منها طولي 161 وبس تقول ل زوجي زوجتك طويله طويله ويطلعون عيوب فيني قدام زوجي من تحت الارض وربي تعبت منهم ورغم هذا كله ازورهم وماادخل يدي فاضيه معقوله انا ل الهدرجه غبيه ؟؟؟؟؟؟؟ ولا فيني شي يخليهم يستحقروني ..!! انا ماااقدر اقطعهم ابو زوجي يحبني حيل وانا متعلقه فيه زي ابوي واجي عندهم عشانه وهم هاتك ي كلام واهانات انصحوني ي بنات وش الحل مع الفئات هذي وكيف اتغلب على غبائي