مدري ايش معنى ..

السلام عليكم انا والله ما ادري ايش معنى هالتصرفات
انا عندي وحده اجلس واتكلم معاها ونضحك وتنتهي الجلسه
ولما نتقابل مره ثانيه اشوفها ماخذه موقف مني وما تكلمني وتصد عني وتروح عند فلانه وعلانه وتحرضهم علي
لا تقولون لي راجعي تصرفاتك يمكن زعليتيها والله اني استرجعت كل شيء بس والله اني ما زعلتها ولا زليت بكلمه عليها الغريب ان بعد فتره وبعد ما حرضت علي فلانه وكرهت الناس مني تجي وتسولف ولا كان شيء صاير تطلبني شاحن ولاب توب تقولعندي شغل فيه وانا اعطيها لان هي ما تدري اني ادري انها تحرض اللناس علي وتتكلم من وراي خسرت وحده عزيزه علي بسبب تصرفها اللي زي كذا المهم رجعت لي بعد اللي سوته وتضحك معاي وانا عادي معاها قلت المسامح كريم وضلينا اسبوعين نضحك ونسولف اذا تصادفنا و نسلم على بعض باختصار رجعتها وعفوت عنها وسامحتها الشيء اللي قاهرني ومخليني اكتب اللحين وانا فيني غصه انها قلبت علي ورجعت تروح للناس اللي انا احبهم ويحبوني وتحرضهم علي انا جاتني وحده قالت لي ترا جاتني وقالت لي كذا وكذا يعني اذا كنت اشك اول اللحين تأكدت لان اللي قالت لي انسانه ما تكذب وهالمره مان خسرت شخص ثاني ,, يعني خسرت شخصين بسبب تصرفها هذا , المشكله انها ما تعرف اني ادري انها تسوي ذا كله لانها تسويه بالخفاء بس ربي كشف لي امرها ,,
فيه مقوله تقول (اذا شخص أذاك مره فهو غلطه لكن اذا اذاك مرتين فالغلط منك انت لانك ما وقفته عند حده)
شلون اوقفها عند حدها هي والله ماتعرف اني اعرف عن كل فعايلها ف لو بادرت اني اعلي صوتي عليها راح تحطها وتقلبها علي وهي ملتزمه والكل راح يصدقها مدري شلون اتصرف معاها
الله يخليكم انصحوني لاني واالله اني مدري هالادميه عجزت افهمها عجزت اتصرف معاها واكرر انها هي ما تعرف اني عارفه بالشيء هذا كله .


حسبي الله ونعم الوكيل الله يرد كيدها بنحرها ادعولي الله يسعدكم وييسر امركم .