مدري اي عصر انا عايشه ؟

صراحتن مدري انا غريبه او الناس هم الي اغراب ولا الزمن تغير ونا مازلت متمسكة بافكاري ومبادئي الغريبه


ادري مو فاهمين شي ولاراح اقدر اشرح لكم كل شي بس بقول بعض النقاط وان شاءالله تفهموني


انا ماحب بناتي يصبغون او يغيرون من شكلهم بشي ابد اهم شي عندي النضافه والاناقه واهتمام بالشكل الداخلي والخارجي


مو معناته عشان اطلع حلوة اترس وجهي فل ميك اب او اصيع شعري كذا تفكيري الغريب عندكم وعند بناتي طبعا


في نضري حلو البنت تهتم بشكلها بكل شي لكن مو شرط اصبغ ا قص احب البنت الانيقة الكلاس البسيطة مدري عشان شخصيتي كذا


وابيهم كوبون مني جد مدري ..وحاولت طول السنوات الي رحات اتمسك بمبادئي رغم اسمع منهم الكثير يما شوفي فلانه قصت واصبغت ورحات وسوت


ونا ابرر لهم كل واحد حر بس حلو الوحدة كذا وكذا وستايلها كذا ووو ويلا ع هالمنوال بين فتره وفتره ونا اسمع واطنش واحاول اناقشهم مو مقتنعين وينقفل الموضوع


لحد من كم اسبوع قالت بنتي الثانيه بالثانوي شفتي صديقتي سوت فيلر لشفايفها رعم انها حلوة مو محتاجه استغربت بس ماقتنعت قالت بوريك وفعلا اندهشت والتزمت الصمت


وبعدها سولفت معها ليش تسوي كذا توه صغيره ولاحقه ومن هالكلام وبعدها قامت تسرد لي فلانه وفلانه سوت كذا وكذا قلت ليش وكيف امهاتهم مايخافون عليهم وليه


مايكونو ع طبيعتهم ومن هالكلام قالت يما انتي باي عصر عايشه ؟ جد مارديت وقتها وبعدها افكاري تضرب اخماس ليش انا كذا وش معنى امهاتهم يودنهم لعيادة تجميل


ومشاغل ونا ارفض ابي يحافضون ع جمالهم الطبيعي مابي تصنع او تغير فيهم ..حتى انا ماحب اسوي شي ولافيلر ولاهم يحزنون بس مو معناته بخل والعياذ بالله


ولاجهل وتحجر مني لا بالعكس بس هالنقطة الي ارفضها وشكلي انا الوحيدة الي كذا بس بيني وبينكم مازلت مو مقتنعه وارفض بس بيني وبين نفسي لن خلاص


افكر اوديهم وخليهم يخربون اشكالهم ويسوون فيلر عشان ماكون من العصر الي الجاهلي..... الله المستعان ..اعتبروها الي تبون فضفضه او من هـ القبيل