مدري شسوي ؟ ولدي أحس إن عقله مو صاحي

السلام عليكم ورحمة الله وبركاته
كيف الحال ؟
أبي أبدا على طول
ولدي عمره الله يسلمه تسع سنين ( 8 - 3 ) كمل تسع سنين وهو في الصف الرابع الإبتدائي لاحظت عليه إن حركاته وكلامه واشلون يعبر عن شئ من خلال وجهه كأنه خبل ولما أكلمه ما ينتبه لي وما يسمع الكلام ويصدر أصوات ولما يطق أحد أو إخوانه يقول هم اللي طقنوني وأنا ما سويت شئ ويبكي وإذا طقيته وعارفه إني ما عورته يسوي حركات كأنه يتألم ويتوجع ومرات يجي يركض ويطيح نفسه ويسوي نفسه يبكي ويتألم وبعدها بنفس اللحظة يقوم يبتسم كأنه ما سوى شئ والمعلمات كلهن يشتكن منه لدرجة إنهن يطقنه طق ويعورنه بالطق وما كو فايدة وبكرة مستدعتني المعلمة وأنا ما أدري شسوي لدرجة هذاك اليوم لاحظت على بنطلونه ( بول ) والله إني كل يوم أكلمه وأفهمه بس ما كو فايده أكلم طوفه
فأرجوكم أرجوكم ساعدوني
علما بأن عندي عيال أكبر منه مو مثله بالعكس هادئين وعيال أصغر من أعقل منه وأهدئ ولما أكلمهم يسمعون الكلام بس هو غير عنهم :(
وشكرا