مدري غيرة مدري شك مدري عصبية بس تعت..

:السلام عليكم اخواتي انا اول مره انزل موضوع في المنتدى يعني كنت بس مشاركة في الردود...

ويحزنني ان اول موضوع لي يكون مشكلة بيني وبين زوجي:(

معليش راح اطفشكم شوي استحملوني بس من جد ضـــــــــــــــــــــــــــــــــــــــايق خلقي مره

قلت ابي افضفضلكم:(

انا لي متزوجة 3سنوات وأحب زوجي مرررررررررررررررررره وهو كمان يحبني الحمدلله

بس المشكلة تكمن في صيطرته مره عليه يعني في بعض الامور اقول عادي يابنت كل الرجال كذا وبعض الاحيان اتضايق واخفي وفي اشياء صراحه لا تحتمل مره..

يعني في البداية في عقد الزواج الوالد الله يشفية شرط علية تكملت دراستي وهو قال ماعنده مانع

وكنت انا في مرحلة الخطوبة كارها الكلية فقلت ماابي اكمل واجلت.. بعد الزواج بسنة قلت برجع طبعا رفض مره وبعنف

وقال ماابغا وحده تروح وتجي ورافض اني اتوظف قلت يالله عشان خاطره مو مهم..

وفي الروحة والجية يطلق على اتفه الاسباب يعني مااطلع من البيت وانا لابسة قصير عند اي احد

ومااحط مكياج في الاماكن العامة وياويلي لو دخل ياخذ شاور ومالقى لبسة ومنشفه جاهزة يقلب البيت على راسي

وحتى المكرونة الاسبكتي الطويلة مطلق انها ماتدخل البيت عشان مايحبها:angry2:

لان حذرني كم مره اني مااسويها واسوي المكرونة الصغار وذاك اليوم نسيت وسويتها على العشا الله لايوريكم انواع السب وتهزيئ ونكد عليه ورما الكل وقام

ويتلفظ الفاظ مال امها داعي الله يهدية بس.. مشكلة اليوم اللي بيننا هو قايلي مايبي باب الشقة ينفتح وهو في العمل

والظهر اليوم ارسلت الشغالة لشقة جيراننا بغدا وطلبت منهم مكنسة في نفس العمارة

ويوم جا استقبلته زين ومن الكلام الحلو ومن لقافتي قلتله تعالو شوفو وش سوا سب وعصب وكسر العاب ولدي وطلق لو عاد انفتح الباب لا اروح بيت اهلي
واخذ كل مفاتيح البيت معاه ؟؟؟ حسيت انه مايوثق فيني ليش انا مني ربة بيت لازم اكون لي دور زيو يعني كل تصرفاتي يبي يمشيها هو !!!من جد ضاق خلقي وتهاوشنا

يعني لين متى عمري 24 مني صغيرة وعندي ولد و****لله الطفل الثاني جاي بالطريق

مايحسسني مره بشخصيتي مــــــــــــــــــــــــــــــــــاسحها بالعربي..
نكد على نفسه وعلية ولا يقول انتي نكدية والله يلعن ذا البيت

حتى اخوي الكبير متهاوش معاه بعد ماكنو سمنه على عسل وكرهه الحين وفي الروحه والجية يقول كرهت بيت اهلك كله وقبل كم يوم سابني عشان اخوي طيب انا وش ذنبي

على اني عكسه تمام امه سبتني وهاوشتني وانا ما سويتلها شي محترمتها وشايلتها على العين وراس وحتى دعت علي وعلى ولدي وسبتني بالكلام الوصخ وسبت اهلي ومافتحت فمي عليها بكلمة وربي عشان خاطره
وخته الكبيرة سبتني وتلفظت علي ومارديت برضه عشانه ؟؟؟
وبس يذلني بالشغالة كل ماصارت مشكله يقول وش عندك بس قاعده وعندك شغالة لا تخليني اطلعها..كرهني فيها وربي

والله يابنات اني احبه وماني مقصره معاه في شي والحمدلله انا حلوه ومهتمه في نفسي وفي جسمي وفي ولدي

وفيه هو اعلى الاخص.. بس الانسان ينسى وجلست معاه قبل وكلمته وتفاهمت معاه وكتبتلة رسالة افهمه انه مو قصدي عشان بحافظ على علاقتنا وماابغا المشاكل ونكد
بس برضه يعصب ويسب ويطلق على اتفه الامور ودايم لا تضاربنا يقول انتي مقصرا وانتي وانتي ولا رضي يقول لا بس مع الزعل انتي مافي احسن منك..والله ماعرفتله

بصراحه كل مره لا غلط ولا غلطت اروح اعتذر بس ذي المره مره مني ناوية تعبت وطفشت طفشت

مدري وش اسوي يارب ؟؟ من جد مافي احد مرتاح