مدري كيف صرت بهذا الحال حتى على اقرب الناس تعبت من طبعي

يامتزوجات ابي مساعدتكم

انا صايره انسانه عصبيه ناااااار
والله ماقدر اتحكم في نفسي لو شي بسيط صار على طول اتنرفز ويخرب مزاجي واعصب واصارخ وكل شي مو حلو يصير
مدري ليش صرت كذا تظنون لاني أكتم كثير
تدرون لاي حال وصلت ؟
جاني الانهيار العصبي والله ذاك اليوم كان بيني وبين الجنون شعره
مره طلعت مع الاهل وصار شي ماعجبني انهرت عليهم صرت اصارخ بالسياره واصقع بايدي على الدريشه
وشوي واقطع ثيابي
لين مالوالد وقف السياره لين هديت وكلهم مستغربين مني والله العظيم انا بعد

انا ماكنت كذا صايره على اتفه شي اعصب واكرررررررره
قبل شوي قلت لزوجي اذا جيت جيب معك شامبو والظاهر انه نسى ماجاب
وربي شغطي ارتفع وعصبت ورحت قلت له كم كلمه وهوااااااااااش احمد ربي اني مانهرت وجيت قعدت لحالي

وش اسوي انا تعبانه من حالي ابي اصير هاديه وشلون
خايفه هذا الشي ياثر على حياتي مع زوجي واخاف انه معد يتحملني لاني انا بنفسي مو قادره اتحمل