مدري ليه....انتي دايم على بالي..

الأسرة والمجتمع

ناديه .. كنت متشوقه اشوفها من كثر ماتحكي لي اختها عنها

دايم تسولف لي عنها ودااايم اتصلات هي واختها..

مواقفها معها تشبه مواقفي مع اختي كثير ...

ويوم شفتها ...ياللـــــــــــــــه قد ايش هالبنت شدتني مدري ليه بس انها شدتني

احيان اسرح وانا اتاملها مدري ليه

كانت معي وقعدت جمبي وسولفت معي وضحكنا

كانت تقول تراكم ترفعون ضغطي بمواضيع الثقافه والكتب ما انسى شكلها وهي تقوله

تحط يدها على راسها من كثر ما ازعجناها بهالموضوع وتغمض عيونها وبكل احباط تقول تكفون اسكتوا

ماكانت تحب الموضيع هذي تحي النكت والسوالف والضحك

لبسها يوم العيد ما انساه

كانت تقول وش رايكم فيني وانا لابسه تنوره طويله ..في عيني صورتها يوم قامت تلف وتورينا لبسها

ذا اليوم تقول والله انها عشان خاطر عمتي ..

هالبنت كانت تعني لي شي مدري وشو ... كنت اقولها يابنت والله انك تذكريني باختي

والحين...


ناديه مـــــــــــــــاتت ناديــــــــــه تحت التراب................................ومانسيتها ولاقدرت انسى

صورتها ماتفارقني ..احس شريط لقائي معها ينعاد في ذاكرتي موقاااادره انسى

دايم افكر كيف حست سكرات الموت دايم اتخيل شكلها فالقبر دايم اسأل نفسي ياترى كيف وضعها لما جاها الملكان كيف ردت ياترى خايفه ولا لا كيف وضعها وهي تسمع صوت نعالهم فوقها يوم تركوها وراحوا

داااايم اسأل نفسي كيف صار شكلها الحين لما اكلها الدود


للعلم البنت اللي حضر وفاتها ولقنها الشهاده بشرنا انها تشهدت ثلاث مرات يااارب لك الحمد

الغريب انهم لقوها كاتبه وصيه مدري وش مضمونها بالضبط

احس باحساس غريب تجاه هالبنت ...رغم ان علاقتي معها بسيطه مو اكثر من سوالف وضحك وتعليقات

لقائاتي معها ماتجي يمكن خمس او ست مرات


استغرب من نفسي ... واتذكر كيف كنت اتأملها .. يمكن لنها فعلا كانت تذكرني باختي


ياااااااربي ترحمها وتغفر لها ياااااارب


مدري وش ودي اكتب بس فيه شي غريب


يالله يارب لاتحرمني من كل غاااالـــــــــــــــــــــي يااارب


انتو تحسون مثلي ان احساسي غريب ولا هو طبيعي او يمكن من الصدمه لان البنت توها بزهزة شبابها


او لانها تذكرني باختي


او....اني احس اني قرييييبه منها


البنت كانت رايحه للسوق تتقضى للجامعه اتوقع وهم راجعين من السوق وفي مكان قريييب من بيتهم انقلبت فيهم السياره وتوفت الله يرحمها


ياللـــــــــــه ارحمنا واغفر لنا وارحم ناديه واغفر لها واجعل قبرها روضه من رياض الجنه يارحمن..........




تشوفون وضعي طبيعي ياناس؟
6
975

يلزم عليك تسجيل الدخول أولًا لكتابة تعليق.

تسجيل دخول

ام الدلوعين
ام الدلوعين
تمر على كل انسان انا بنتي لها عشر سنوات ميته ولى اليوم ونا ابكيها مانسيتها حتى دايم تجيني بلحلم وتكون جوعانه ونا ابحث لها عن طعام ولامن حلمت فيها ماودي اقوم من النوم ودي افضل نايمه على طول من ولهي عليها
...خفايا الروح
...خفايا الروح
الله يغفر لها ويرحمها
كثثثثثثري من الدعاء لها
يمكن معجبك اسلوبها وخفة دمها وفقدتيها
تعوذي من الشيطان ولا تخلين الشيطان يوسوسلك
т σ ห α <3
т σ ห α <3
.





طبيعي ينفقد الشخص حتى لو مآجلستي معهآ إلآ مره
الله لآ يحرمنآ غآلي يآرب
لي حُـضورِي
لي حُـضورِي
الله يرحمها ويجعل قبرها روضه من رياض الجنه
بركوكيه
بركوكيه
الله يرحمها ويجعل قبرها روضه من رياض الجنه
الله يرحمها ويجعل قبرها روضه من رياض الجنه
الله يرحمها ويجعل قبرها روضه من رياض الجنه