مدري ليه؟

السلام عليكم .... :)
أعجبني تفاعل البنات في المنتدى وطريقة حلول مشاكلهم مع بعض وكيف بعض الحلول تكون مجدية ومفيدة ....المهم قلت أعرض عليكم مشكلتي وأنشالله انكم ماراح تخيبون ضني فيكم وراح تساعدوني ...وتعطوني من تجاربكم..
المشكلة ليست مشكلة عند بعض الناس بس عندي أحسها تؤرقني بعض الأحيان..
يابنات أنا أحيانا أشعر بالوحدة رغم أني أعيش مع أهلي بس والله يابنات ترتيبي بين أهلي أهو اللي مسبب لي هالشي..أنا ماعندي خوات كبار خواتي أصغر مني وأمي كبيرة شوي يعني ماأحس فية أنسجام تام بيني وبينها وماأقدرأقولها كل شي وكل اللي بخاطري أول شي لأنها فارق السن بيني وبينها الكبير وثاني شي عصبيتها وبرضوا نظرتها لي والمنظار اللي تناضرني فيه ..هذا يضايقني..أمي ماتمدحني تلومني كثير ماأحسها تحب الجلسة معي ماأدري لية وأحيانا تحب تشكي علي من المشاكل بس وأنا أسمعاها أما جلسة وسواليف هاذي مهيب لي هاذي تكون لخواتها ولا لواحد من أخواني تحب الجلسة معه والسوالف ..اماأنا لا.. :( وبعدين صرت أحس أني محتاجة لأخت أسولف عليها أفضفض لها أمون عليها وأستشيرها وتسولف علي و.....و...الخ من الجلسة بين الخوات والله يابنات أني صرت إذا شفت بنات قاريبي اللي كبري مع خواتهم سوليف وضحك وفضفضه لبعض ودخلتهم مع بعض وسهراتهم مع بعض وغيرة وغير والله أني أغار منهم صرت أغارمنهم وأنا ماأبغى أوصل لها المرحله ...لا تقولون لي بنات أقاربك أجلسي معهم وقوي علاقتك معهم وصيروا مثل الخوات ...أنا علاقتي والله الحمد معاهم قويه وجلستهم حلوه وأحب جلستهم ويحبون جلستي ونمون على بعض بس ولو يابنات مهما كان موب طالع مثل الخوات وعلاقتهم مع بعض ..يابنا صرت أحس هالشي محسسني بنقص وأنا الحمدالله موب لهاذي الدرجه ماأدري ليه نفسي أعرف وأحله ؟:icon33:
معليش سامحوني على طول السالفة بس أتمنى أتمنى أتمنى أنكم ماتقرون المشكله وتطلعون وتعطوني حلولكم ورايكم بالموضوع ماأبغى تستعصي معي هالحالة ودي أبادرها وأحلها جذريا...
وعليكم السلام .........يله يابنات همتكم لا حرمنا منكم ...