تصدقين شكلي راح اشيل معي برواز الابرة واعبيه كلوركس زي سالفة الشباب اللي في الطايف و اي وحدة احس منها حركة كذا و لا كذا ارش على عبايتها اخليها تلتهي بعمرها عن الناس

انا تعجبني الوحده الي تجيك واثقه من نفسها ولا يحركون فيها هالبنات الي يناظرون شعره
هنا بس زوجها بيعرف انها واثقه بنفسها
لكن لو بروح اهاوشهم او اهاوشه هو او اتكلم عليهم بيقول بنفسه مسكينه ماعندها ثقه في نفسها وشايفتهم احلى منهم وتغار منهم
ماراح يقول تغار علي تفكير الرجال غير تفكيرنا
على طول بيحط ان زوجته غارت منهم

الوحده تكبر عقلها وتمشي وتطنش ولا كنها شافت شي ولا تحسس زوجها ان فيه وحده تناظره
حتى لو شاف هالبنت الي تناظر تلهيه بسوالف وضحك وتمشي ولا كنهم موجودين
عشان يحس انها واثقه من نفسها ولا احد قدها

لكن بحرم نفسي من المتعه والطلعات وبقضي وقتي كله في السوق اتلفت يمين ويسار ادور وحده تطالع بزوجي عشان تنكد علي
ليه ؟
مافيه احد يسوى اضيق صدري واخرب طلعتي واعكر مزاجي على الفاضي
بعض الحريم هي الي تخرب على نفسها بنفسها وتفتح عيون زوجها على شي يمكن هو مو منتبه له
وتخليه لا شعوريا يصير يطالع ويناظر

الله يكون بعونك ياقلبي من هالاشكال التعبانه
صادقه فيه بنات قليلات ادب وتربيه حسبي الله ونعم الوكيل فيهم

وربي هذي اخر الزمان الجنس اهم شيء عن هالاشكال المريضه

بصراحه في بنات كثير من هالنوعيه الله المستعان مو بس على المتزوج حتى مع الاخوان
انا مره صار لي موقف بالقطار ركبو بنات الله يهديهم متبرجات لاقصى حد عطر وميك اب ومناكير وشيلات مزخرفه .........الخ
والقطار فاضي مليان كراسي جلسو جنبنا مقابليني انا وزوجي وربي ما اكذب شكلهم يدرسون معهم ملازم تخيلو فتحو ووجيهم جنب زوجي وانواع السوالف ولا اذا مر الهندي اللي يبيع يتغطون وزوجي كاشفين له حتى هو انحرج يعني موقف يقهر وانا واثقه من زوجي بس حركاتهم تخلي الواحد غصب يناظرهم انا جلست اناظرهم بستغراب بعدين غيرنا المكان وخلينا لهم الجمل بما حمل

من جد شي يقهر انا لو اشوفها كذا واشوف انها زودتها حبتين كان بالكعب على خشمها وين عايشين