صباح الخير
تو خلصت الاربعين من يومين ولاحظت زوجي مو متحمس يجي ياخذني وبعد تلميح جاء بياخذنا و زي اي وحده بعد النفاس كشخت وتعدلت وغيرت لوكي وانا لي عنه شهر تقريباً ولا فايه اي ردة فعل يوم شافني صدمني جرحني مره كل من شافني مدحني وهو لا شوق لي ولا مدح شكلي
تخيلوا بدال المدح قام ينتقد احرجني طلع لك كرش ومكياجك ليه كذا شعرك يعني كانه يدور اي شي عشان ينتقد مع اني كاشخه مره وتعبت ع نفسي
مدري متعمد ينتقد او صدفه عورني قلبي من كلامه وبروده قلت له انت شفيك وش هالنقد وجلس يرقع
ويجلس معي ويسولف عن اهله واشياء مالها داعي ومو وقته انتظر كلام حب غزل لي شهر عنه واقوله كلام حلو عشان يحس ويسلك ويرجع يغير الموضوع
تهقووون ليه يسوي كذا ؟ حسيت متعمد ينتقد كانه خايف اشوف نفسي او استانس هو من اول جاف بس ماتوقعت لدرجة ينتقدني وانا تعبانه بشكلي لا تمدح بس لا تنتقد !!!

هموم شابه @hmom_shabh
عضوة نشيطة
يلزم عليك تسجيل الدخول أولًا لكتابة تعليق.

أم حنوونه
•
ماعنده اسلوب الله يهديه بس لاتزعلين نفسك حبيبتي كذا الرجال جافين ومايوزنون الكلمه وتلاقينه يرمي الكلمه وينساها وحنا نشيل الهم المهم ماعليك من كلامه توك طالعه من نفاس طبيعي امورك مكركبه شوي اشتغلي على نفسك حبه حبه نقصي وزنك واهتمي ببشرتك وشعرك والحديد لو تحتاجيه استمري عليه ممتاز وطنشي كلامه لايحبطك والله يسخره لك يارب


شرايكم اقوله انه جرحني وعارفه من اتكلم معه بصيح لاني مره مغبونه اصعب شي احد يتجاهلك كذا وانتي جايه نتطرني مدح وغزل بالاخير انتقاد بشكلك
ولا بيحس اني ضعيفه وماعندي ثقه بشكلي !!
ولا بيحس اني ضعيفه وماعندي ثقه بشكلي !!

Oklar
•
لا تكلميه بيقول ماعندك ثقه بس اذا بغيتي دقيه بالكلام يعني انت ليه ماتمدح مثلا مثل الناس ؟ ولو اني مب واثقه من نفسي كان زعلت 😂، وكل يوم البسي واكشخي كأنك عروس خليه بنفسه يجي يمدحك وتدلعي و اهتمي بالنونو وبنفسك و بالنهايه انتي دلعي نفسك و اكشخي لنفسك مش ضروري لحدا 💅🏻💕
الصفحة الأخيرة