مدري ليه يصير معي كذا

الأسرة والمجتمع

انا معلمه داومت هالاسبوع بعد ماكنت باجازه رعايه مولود جيت ودخلت ومشتاقه للكل اسلم صح سلموا وكذا بس احسهم مو طايقيني كني ذابحه لهم احد كانوا جالسين يتقهون وقعدت معهم لكن يصبون لبعض ويتخطوني ماني مو موجوده استغربت انا راحوا يفطرون ع طاوله تجمعوا كلهم وينادون بعض الا انا محد ناداني مو عشاني ابي اكل الحمدلله لكن ذووووق مجامله ليه يسون معي كذا ماسويت احد شي ومعهم لي ثلاث سنوات ولا قد اذيت احد والحمدلله جميله يعني ما في سببب لهالكره حتى اذا قعدت معاهم بعضهم مثلا يطلعون يكون عندهم شغل أو شي يبقى وحده أو ثنتين معي خلاص يسكتون مايسولوفون معي حتى اليوم حاولت اسولف مع وحده ترد علي من ورا خشمها بكرره واضح تكرهني بعدين قامت ولحقتها الثانيه وقعدت بروحي انا ماهمني بس ليه كذا وش السبب لو انه صاير موقف أو شي اقول يمكن مايحز بخاطري الا اذا جابوا فطور يعزمون٢بعض وكذا ويجتمعون الا انا محد يقولي تعالي لو من باب المجامله بديتت اكره الدوام منهم كم مره ودي ابكي ليه انا مالي قبول بينهم حتى اذا حاولت اقعد اسولف مع وحده تقوم وتخليني والا تروح تنادي وحده ثانيه وتسولف معها وانا مهمشيني لييييه اروح اكلمهم اقول انتم ليه كذا وش سويتلكم عشان تعاملوني كذا حتى وحده من المعلمات جديده يعني جايه هالسنه وماخذه اجازه معي يوم رجعت واقولها كيكه وانا لا مو القصد ابي الله لايغنيهم بس ليه كذا
11
2K

يلزم عليك تسجيل الدخول أولًا لكتابة تعليق.

تسجيل دخول

سجاياا34
سجاياا34
الله يهديهم انتي قابلي الاساءه بالإحسان وتذكري ان هذا مكان تأدية عمل مو مكان صداقات.. وعاملي الكل بإحترام شديد.. واصبري. ويفرجها الله عليك بإذن الله.. هذا ابتلاء من الله وياما جانا مشاكل في العمل... وصبرنا كلن عنده خير... لكن نصبر لأننا نبي نمسك وظيفتنا ونبي الراتب الله يبارك لنا فيه... وتذكري ان دوام الحال من المحال يفرجها لك الله من عنده.. انتي اهم شي اصبري ولا تقولين لهم وش فيكم كذا ولا تسألينهم ولا سؤال خليك رسميه ومحترمه هم مع الوقت بيحترمونك لأنك فرضتي احترامك عليهم وبيحترمون أخلاقك لأنك قابلتي الاساءه بالإحسان وتذكري قوله تعالى ( ادفع بالتي هي أحسن فإذا الذي بينك وبينه عداوة كأنه وليٌ حميم) اتوقع الحين غايرين منك لأنك جايه من اجازة وجايبه بيبي ومريحه في البيت عند طفلك وهم مكروفات... انا كذا زيك اول ما ارجع من اجازة امومه القاهم زعلانين علي خليها على ربك بس....
ام الشهد والشوق
ام الشهد والشوق
يع وذولا معلمات ايش خلووو للطالبات..طنشيهم واجلسي ع جوالك او اقري المهم اشغلي نفسك لاتطالعينهم..مااقصد انك تقاطعينهم بس القصد انو ممكن يحسون شوي..الله يكون بعونك
رضا و يقين
رضا و يقين
بس استغربت من كلمة جميله لأن الجمال ما له علاقه
و غالبا و الله أعلم واحده اغتابتك عندهم
عشان كده الكل اتغير عليكي
بس الأفضل تسأليهم أو تسألي واحده فيهم ايش سبب هذه المعامله
و اذا ممكن اعزميهم عندك في البيت على عشا أو جيبيلهم هدايا و بتصفى النفوس بإذن الله.
رحيل والدي مؤلم!!
صاحبة الموضوع انا تقريبا في اشياء مثلك.صحيح اتضايق احيانا لكن اطلع اذا ماعندي شغل اروح اجلس وحدي على جوالي وقهوتي اجيبها معاي والحلى مانتظرهم ابدا ينادون عليه.طنشيهم حبيبتي ...وانا اصلا عندي اكتئاب له سنيين طويله.وبعض الزميلات يزيدون وبعض مواضيعهم غيبه الله يهدينا ويهدي الجميع يارب.والله الجلسه لوحدك احيانا تكون اريح لك
د فارسة الإسلام
د فارسة الإسلام
صاحبة الموضوع انا تقريبا في اشياء مثلك.صحيح اتضايق احيانا لكن اطلع اذا ماعندي شغل اروح اجلس وحدي على جوالي وقهوتي اجيبها معاي والحلى مانتظرهم ابدا ينادون عليه.طنشيهم حبيبتي ...وانا اصلا عندي اكتئاب له سنيين طويله.وبعض الزميلات يزيدون وبعض مواضيعهم غيبه الله يهدينا ويهدي الجميع يارب.والله الجلسه لوحدك احيانا تكون اريح لك
صاحبة الموضوع انا تقريبا في اشياء مثلك.صحيح اتضايق احيانا لكن اطلع اذا ماعندي شغل اروح اجلس وحدي...
مافيه اسوا من مجتمع بعض الموظفات بس تغيب صاحبتهمً يشطبوا عليها ولا عاد يسألوا عنها
ماعليك منهم جيبي دله قهوه صغيره ومعك الحلا او قطعه كتكات او سنيكرس والفطور خذي لك ساندوتش سفن دايز او طعميه وقولي لصداقه العمل باي باي
انا علاقتي بزميلاتي تنتهي بمجرد خروجي من الدوام
مااعرفهم الا اذا فيه قطات فلوس لأستاذه جايبه طفل او استاذه اجنبيه انتهى عقدها او موظفه أحيلت على التقاعد او موظفه جاها ابتعاث
يطلبن قطه لطقم ذهب لها
قطه الذبيحة
قطه لإيجار للاستراحه
قطه للضيافه
ولو ماشاركتي يكتبن اسم اللي شاركن بالقطه على الهديه عشان يهينن كرامتك
الافضل ان علاقتك بهن بحدود العمل لا اكثر