مقام البدر @mkam_albdr
عضوة جديدة
مدري متى شعب النظيم يتعلم
البارحه مريت بموقف مع شخص ما ... كان يبي مني شغله ووضحت له من اول ماطلب مني
وبطريقه غير مباشره واكثر من مره ان طريقته بالتعامل ماتعجبني واعتذرت له بكل لباقه وادب
سكت بالبدايه وبعدين ارسل رساله بوقت متأخر من الليل تدل على صحة رأيي فيه وعلى انه انسان فعلاً من عايله كويسه بالحييييل
بس ان مشكلته ان ابوه وامه يوم انه صغير كانوا مشغولين بالدنيا
ولا التفتوا له زين فرباه ماني قايل الشارع ابقول الزمن .
وللأسف انه بيننا بهالمنتدى الرائع
فا تذكرت هالقصيده اللي تحكي واقع المجتمع اللي عايش فيه اخونا آنف الذكر وخصوصاً انه من نفس المكان اللي يتكلم عنه الشاعر ..
وحبيت انزلها بالمنتدى لأني ابصم بالعشره ان الكثير منا يعاني من هالنوعيه الكويسه :nerd:
هذي سالفه حدثت في رمضان بين شخصين وقع لهم حادث قدام بيت الشاعر خلف المشعان العنزي قبل وقت الفطور فقال هذه الابيات :
قبل الفطور بربع ساعه تخبرون
كلن في بيته والفطور يتولم
وانا ابتليت في هديفه ومجنون
تصادموا والكل قام يتظلم
هذا يقول انت اعمى مالك عيون
وهذاك من هول الفجيعه تبلم
قدام بيتي .. قلت يالربع تدرون
تفضلوا وبعد الفطور نتكلم
عيى الهديفه قلت اجل وشلون؟
تبي ننتظر هنا ؟ قال ايه .. قلت اتحلم
والله لو ننتظر لين الحكومه يمرون
قد الإمام من التراويح سلم
مير إقلطوا ولا عساكم تطسون
مدري متى شعب النظيم يتعلم
ممكن بعض الكلمات غير مفهومه
الهديفه : ناقص العقل
يتولم : يتجهز
عيى : رفض
النظيـم : حي في شرق الرياض يكثر فيه المثقفون لووووووووووووووول
وياكثر المثقفون اللي بيننا هالوقت :mad2:
3
4K
يلزم عليك تسجيل الدخول أولًا لكتابة تعليق.
مير إقلطوا ولا عساكم تطسون
مدري متى شعب النظيم يتعلم
ههههههههههه
حللووه
يسلمووووووووووو
مدري متى شعب النظيم يتعلم
ههههههههههه
حللووه
يسلمووووووووووو
الصفحة الأخيرة
اتمنى ان تجدي ضالتك ! :wink: