مدري من وين ابتدي

السلام عليكم اولا عسى وحده تحسب اني بالغت ولا كذبت الله يبلى اغلى انسان عندها بزي اللي اقولها،،ابقول كل شي مجرد فضفضه ولا الموضوع ماظنتي له حل الان ..بس انا حاسه بالذنب ..اخوي جامعي تزوج قبل عشرين سنه هو عمره اللان تقريبا٤٣ بوحده من قرايبنا من بعيد طبعا انا كنت في المتوسط مدري اللي فيها مرض عقلي اونفسي اوكيف يصنف 💔جتنا ومن يوم جتنا وهي مطيره عيونهاواخذه الدنيا بقوه دفشه واذا كلمنا اخوي ولاجاب غرض قومت الدنيا ماقعدتها لدرجة راحت لامي قالت سعد موملك لكم لي انا بس وعساني اشوف احد يوصيه بشي ولايكلمه طبعا ردت الفعل انا ضحكنا اخذنا الموضوع مزح وحنا ترا مسالمين لاخر شي ونمشي كثير امي قسم بالله ماعمرها سبت احد ولاحقدت حتى ذي للحين تقول سلم لي عليها وهي هاجرتنا اربع سنوات قسم بالله بدون سبب..المهم سببت مشاكل كثير وفرت راس اخوي ووقف معها لدرجة يقومنا ع مشكله ماندري عنها المهم سكوتنا عنها خلاها تمادها وهي بنات غريبه يعني تجلس مع الناس ماتنطق بكلمه لاسلام ولاكيف الحال خواتها عدواتها بالدرجه الاولى وهاجرتهن ماتحضر مناسبات عند احد ولاتاكل عند احد ماتعرف تكلم ولاتبتسم بس تعرف تطبخ وتعرف تلبس عيالها وشديده معهم لدرجة تضربهم ضرب طبعا البنات بس العيال تقدسهم لااسلوب ولاشي المهم عقب اربع سنوات من زواجهم وعقب تغير علينا اخوي رجع لنا بقوه وندمان وكان معهم بنتين طبعا هي مستمره هوشاتها بين زوجات اخواني وتحذف وتتكلم مع الشبابيك
قال لي مره يافلانه انا قررت اتزوج اللي عندي موحرمه انسانه ناقصه بقوه وشايفه نفسها وافكارها غريبه قلت في قلبي عارفتها من يومها ابي وحده جميله هاديه خلوقه ونظيفه بنات قسم ريحتها كانت فايحه😫 ماعاد اقدر اتحمل طبعا هي مدة الاربع سنوات ماراحت لاهلها الا مره
كنت ايامها في الجامعه وادخل كلامه من هنا اطلعه من هنا قلت اصبر عشان بناتك وهو كل يوم جايني هاه لقيتي من زميلاتك احد🤦🏻‍♀️وانا اقول لا يمكن سنتين مايأس اخر شي بنت جيرانا تطلقت وهو يبيها وبرضو ماعطيناه وجه المهم مرت الايام وهو يبي احد يساعده مالقى هو طموح ويبي لعياله احسن المدارس وهي لاتقرا ولاتكتب وتبهذل كان يقومهم الصباح ويوديهم بدون فطور ولاشي وهي نايمه اخرتها شراء بيت في الرياض وتراكمت عليه الاقساط ونفسيته ساءت واضح عليه هموم الدنيا هنا صحيت وتحسفت عمره راح مع جنيه لاترحم ولافيها رحمه حتى امها انكسرت قالت عادي عجوز طبيعي تكسر انا ندمت كل ماشوفه لانه اللان منفصل عاطفيا عنها ومافيه تواصل😕بس عن طريق عيالهم المهم ندمت قلت لوبساعده بس اللحين ماعاد هو متقبل لان اهم شي عياله اللان وحلمت فيه يقول ساعديني زوجيني انا تعبان وانا ادورله وفرحانه نسيت اقول نقطه مهمه هو طلقها قبل اربع سنوات ومن بعدها زادت وهجرت كل الناس واكثر شي اقاربها ماعمره تكلم فيها ولاسبها وعيالها ماشفناهم ولايجيبهم وصار شكله ينفذ اوامرها😫مايقول لا والله شكيت انه مسحور ولافيه بلا لاحد تكلم في معلمات ولاطالبات قعد يسب الحريم ككل تعقد منهم كلهن يتصور له انهن هي ...وقبل فتره قال واحد من اخواني فاتحيه اذا نبي نساعده وتقربي منه. انا ماقدر لانه ماعمره جاب طاريها وبيتها ماحد يدخله لاريجيل ولاحريم انسانه غريبة الاطوار