مدري من وين جاء هالحياء !!

السلام عليكم ورحمة الله وبركاته ..

اخواتي المتزوجات بسألكم اذا الوحد فيكم ولدت وجلست فترة الاربعين عند اهلها بعدين رجعت لبتها يجيكم هالحياء الفظيع مثلي :29:

صار لي اسبوع تقريبا راجعة من بيت اهلي والله مو قادرة احط عيني في عين زوجي من الحياء واستحي من لبس ملابس النوم ذبحني الحياء والله مدري من وين جاي مع العلم انه صار لي متزوجة ثلاث سنوات ونصف تقريبا وهذي الولادة الثانية لي وماجاني في ولادتي اللي راحت زي كذا بس هالمرة حتى انا مستغربة مرة احس كأني عروس توها متزوجة حتى استحي اطلب اي طلب من زوجي واذا بغيت شي اطلبه بقمة الادب والاحترام مدري وش السالفة:29:
واذا جاب لي شي انواع عبارات اشكر والثناء

مع اني بطبعي جريئة حتى بايام الملكة كنت جريئة واسولف معه عادي والحين اذا جلس يكلمني شوي اناظر عيونه وشوي اناظر الارض احس باحراج من نظراته مدري ليش :(


حتى بالسيارة الصق بالباب عشان ما اصير بجمبه مرة والله شي غريب والاغرب انو عندي منه بزران واستحي هههههههههههههههههههه

واذا قلت له مدري شفيني استحي منك يتبسم وافهم منه انه معجبه كذا

حبيت اعرف فيه احد مثلي او لا ابغاكم تعلموني متى تنتهي هالحالة الطارئة ؟؟؟؟:o