مدري نظرتي صح او غلط عموما تشوفون صديقتك العزباء خطر ....

السلام عليكم ورحمه الله وبركاته
امس اسمع بالصدفه مشهوره بالسناب تتحدث عن الصداقه
وان ماعاد فيه صداقات ثقه وان امك واختك هم صديقاتك في الحياه ولا تعطي اسرارك احد ، وان الصداقه مجرد توجيب ووناسه وروحات وجيات غيره لا
تقريبا كلامها لحد هنا عادي
الى ان قالت يا ما قصص صديقات خطفوا ازواج صديقاتهم
انا 🙄😳وان الصديقه ماتنلام لقت الطريق سالك اكيد بتتزوج رجل وتجيب عيال وتبيع صديقتها
يالهالرجل بس
المهم كلامها خلاني اشك ، طبعا انا الصديقه العازبه بين صديقاتي كلهم ماشاءالله متزوجات
على مدى السنين لاحظت نوعا ما تهرب صديقاتي وانتهاء صداقات بدون سبب
طبعا ولاافكر مثل ماقالت ، ومستحيل اخرب بيت احد و الحمدلله ماهي اخلاقي ولا اجيب طاري ازواجهم ولا اتدخل في حياتهم الخاصه ، لكن معقوله انهم يفكرو اني خطر عليهم ، وتغير معاملتهم ناتج عن هذا
مره كنا في جلسه وقالت صديقه مقربه لي المطلقات طايحات بسالفه ، وعقبت انهم يركضون ورى المتزوج وقالت قصص لزوجها في المستشفى وكيف الحريم منهبلات عليه وراميات انفسهن عليه وحددت المطلقات ، انا سكتت ، كنت المطلقه الوحيده بالجلسه لكن حسيت نظراتهم علي ، مارديت ولا عقبت عليها الحمدلله واثقه من نفسي ولو ادخل معها بجدال بيقولون ايه الي على راسه بطحه
لكن لاحظت معظم المتزوجات من صديقاتي ماشاءالله متفحات على بعض ويتقبلون اي تعليق من بعض لكن انا لا صراحه فصرت على الصامت معظم الوقت ورسميه جدا ولاعاد فيه ميانه بيننا
تتوقعون كلام المشهوره يمثل نظرتهم
شرايكم