مدري هل هذا نفاق اجتماعي ولا ايش

مساء الخير
ملاحظه كثير من بعض الحريم تجلس تسب وحده وتكرهها لكن إذا شافتها في مناسبه تسلم عليها ونرحب وواو زي عمتي اخت ابوي عمرها أواخر الأربعينات كنا في زواج وتشوف وحده من معارفنا نفس عمرها وتقوم تسلم عليها سلام حار لا وتحب يدها تخيلو ومن وراها تحش فيها وتنتقدها وكمان وحده نعرفها عمرها ٣٥ تقريبا عمتي تقول انها ما تحبها وتكره حركاتها ويوم شافتها عندنا وجت عمتي بتطلع قامت وصافحت الحرمه لا ودنقت عليها تبوسها انا بغيت انبه عمتي عن ذي الحركات ليش تدنقين على وحده بعمر أولادك الحرمه ما غلطت لانه متعارف الي بيودع احد خلاص يكفي مصافحه وهو جالس مو لازم تدنقين عليها بإستثناء الحريم الكبار ومو لازم تبوسين يد وحده زي سنك يعني كفي خيرك وشرك لا تغتابين فيهم ولا تحبين يدهم وتدنقين عليهم
ونفس الشي اذكر وحده تكره حرمة ولدها كره العمى وتتصل عليها وتهاوشها على اتفه سبب وتسبب لها مشاكل وفي نفس الوقت إذا شافتها مع ناس تخيلو تقوم من مكانها عشان تصب لها القهوه اكره ها الحركات صراحه