مدري هي عنصريه قبليه والا ايش؟ انا صح والا غلط؟!

السلام عليكم ورحمة الله وبركاته

ترددت كثيرا في كتابة الموضوع خوفا من ان اسمع كلمه جارحه 
اولا :انا حامل وفي مرحلة الوحم ووو نفسيتي متقلبيه فياليت لو تكرمتوا 
رفقا في الرد😍

ثانيا :بعرف بنفسي قبل ما اطرح المشكله 
انا بنت لقبيله عريقه ومعروفه جدا بالسمعه الطيبه والحمدلله 
ومعروفه بتمسكها الشديد بالعادات والتقاليد 
وانا عمري 30 سنه موظفه حاصله على شهادات عليا بفضل الله
ذكيه والحمدلله وطموحه ومتوسطة الجمال ومشهود لي بالخلق
لي اخوات اكبر مني تزوجوا من داخل القبيله 
 واصبحت انا اكبر الموجودات فالبيت
العين علي يعني
كل مايتقدم لي شخص مايتم الموضوع 
اذا كان شخص كويس يجون يشوفوني ويمكن مايرتاحون لاننا ماعاد نلقى منهم اتصال
ويجون ناس انا استخير وما ارتاح لهم يكون فيهم كم صفه ماحبها
وطالت السنين وصرت اسمع التجريح من اعز الناس على قلبي
طبعا بدون قصد وبحسن نيه بس تأثر علي
المهم اني كنت الح فالدعاء والاستغفار والله وربي يعلم كنت اوصل
لعدد فالاستغفار ما اتوقعت اوصله 
وفي يوم من الايام قالت لي امي ان جاني واحد بس مو من قبيلتنا قبيله ونعم فيها لكن سمعتها وصيتها اقل منا >>>هاذي مو نظرتي هاذي نظرة المجتمع اللي انا فيه
وقالت ترى امه مو سعوديه وبعد ترى ام امه من الخط الثاني((المقصود فيها انها مهب قبيليه))
طبعا استخترت كثير وفكرت مية مره
وامي كانت تشجعني ان العمر يمشي وتجلسين تنتظرين من؟؟
سألتها هل ابوي واخواني بيرضون قالت نجرب
وطبعا فكرت واستخرت وسأل اخوي عن الرجال ومدحوه 
واخوي يدري عن امه وكل شي 
المهم وافقت 
وعلمت امي ابوي لكن ماقالت شي عن نسب امه قالت اسأل عنه
وابوي ماش مايبي بس رضا وكلم واحد وسأل عنه ومدحه ومدح اهله وبس 
وتمت الامور الحمدلله وصار الزواج 
وطبعا ابوي مافكر يسال عنه الا من مكالمه وحده بس يعني ماتعب نفسه
علما ان الملكه طولت والخطبه بعد طولت 
ويوم الزواج شاف ابوي اهل المعرس واهل امه وانصدم
وطبعا انا ماكنت ادري جاء عند اهلي وقال خلوها تجي لا عاد تقعد عنده
وطبعا كنت في شهر العسل مادري عن هالسوالف
واول ماجيت استقبلني ابوي بهالكلام
والله يابنات تمنيت الموت ياخذني
ماتخيلت ان كل هذا بيصير طولت ماتزوجت وكنت اتمنى افرح ويفرحون اهلي بزواجي
ماتمنيت كل هالشي يصير 
المهم ان ابوي طفشااان مره ومايبيهم
ودايم يقولي الله اللي قربهم الشكوى لله
وانا تعبت مررره من هالكلام ابوي احب الناس لي اموت فيه 
واكيد اي بنت تحمل هالمشاعر لابوها وتتمنى يكون فخور فيها وفي زوجها 
لكن قدر الله وماشاء فعل
ويقول لا تحملين منه
وامس درى اني حامل وحسيت انه مو فرحان ابد 
كل هالاشياء تلعب بنفسيتي حيييييييييل 
وللعلم زوجي مو مقصر علي بشي والحمدلله ومعاملني معامله حلوه ولي معه فوق 7 شهور ماتخلو الحياه من المشاكل لكن في حب واحترام ومرتاحين لبعض ان شاء الله
وبس هاذي قصتتي اللي مطفشتني 
وبقولكم نصيحه انك لما تنخطبين لاحد حطي اهلك فالصوره وقوليلهم كل شي عشان مايتعبونك بعدين 
وانا امي اللي قالت مانيب قايله لابوك وندمت اني طعت شورها ليتنا قلنا له ولا يكتشف هو بنفسه



ابي رايكم ؟!؟ ونصيحه ؟؟؟ وشكرا😍💋