السلام عليكم
مدري احترت وترددت قبل انزل موضوعي بس حسيت اني بحاجه اني افضفض واخذ ارائكم
ومدري هل مناسب هالقسم او بينقلونه المشرفات ...
المهم بالموضوع اني متزوجه بكمل خلال الاشهر الجايه خمس سنوات
بداية زواجي كنت مهتمه بنفسي وبيتي سنه ونص وحملت والتهيت بطفلي وحملت عليه ومع ذالك لازلت مهتمه واغسل غسيلي وارتب بيتي واطبخ وجباتنا وشاهي العصريه وقهوة المغربيه ونوع حلى كنت شايله البيت شيل
طبعا خلال هالفتره جاني سكر وحاليا اعاني من ارتفاع ضغط وفيه بعض المشاكل مع اهل زوجي وكلها اسكت عنها وقلبي يغلي وياما كتبت مواضيع اشكي من مواقفي معهم
المهم بالموضوع حاليا مدري وش جاني يابنات احب النظافه وكل شي نظيف قدامي بس جاني فتور رهيب معد اقدر احرك شي من مكانه عظامي تطقطق واتعب من اتفه شي السيل صار يتراكم واذا احتجت لبسه اغسلها بوقتها
معد اقدر ارفع شي اتعب مره واضغط على نفسي لو بيجيني احد الطبخ صرت اطبخ بالاسبوع يمكن مره او اثنين مع انه كان مشهود لي بطبخي وسناعتي
تعبت ودي اقدر اغذي اطفالي واهتم فيهم واربيهم وارجع اهتم بنفسي وزوجي زي قبل
بسافر بعد اسبوع لعل السفره تجدد من نفسيتي واتغير واحس بخفه
الي تقدر تلقى تفسير لحالتي وحل ياليت تساعدني
معقوله نقص دال هو الي مسبب لي كذا او من السكر او مدري وش جاني حتى بالصلاه احيانا اضطر اصلي جالسه من قو الالم الي بعظامي
دعواتكم وابي مشورتكم
وحيده 111 @ohydh_111
محررة برونزية
يلزم عليك تسجيل الدخول أولًا لكتابة تعليق.
انا كنت زيك شايلة البيت شيل وبعد طفلي الأخير معاد لي خلق البيت ولا اقدر عليه زي اول رحمت نفسي وجبت شغالة
الصفحة الأخيرة
وخلي سورة البقره شغاله والله تأثيرها عظيم على النفسيه واسمعي الرقيه بعد
البيت خذي لك شغاله بالساعه تعاونك وجيبيها يوم تساعدك بتجميد بعض الخضار بيسهل عليك الطبخ باذن الله
لكن الاهم روحي للمستشفى واكشفي على صحتك (فيتامين دال وفقر دم ونشاط الغده من كسلها هرموناتك ) كل هذي الامراض لها نفس اعراضك فانت شوفي وش سبب الخمول عندك وربي يعطيك الصحه والعافيه