مدري وش اسمي زوجي هل هو بخيل والا لا

صباح الخير اخواتي


ياليت اذا قريتوا الموضوع ترودون قولوا اي شي ابي احس ان فيه احد مهتم


انا مشكلتي ان زوجي مستحيل يعطيني فلوس في يدي الا اذا كان في مكان ما يقدر يدخل معي فيه مثل المشاغل بس وياويلي اذا مارجعت له الباقي حتى لو كان ريال واذا طلعت مع اهلي مكان تمشيه او سوق مستحيل يعطيني ريال واحد ويقول لي خذي من امك وبعدين اعطيك واذا اخذت ما عطاني صرت اكره اروح مع اهلي بسبب اني انحرج من امي وابوي يعطوني ومستحيل يخلوني بدون فلوس بس صرت استحي منهم

وو ولدي الحين عمره 3سنين قلت له اشتر له ملابس عشان الجو برد عليه هالايام قال لبسيه حقت العام الماضي وولدي يحس بالبرد يقولي برد ماما الحين هو تعبان وعليه حرارة ومعه كحة ويقول عطيه ادول وبيطيب وملابس العام الماضي صغرت عليه وتصدقون انه العام ماشرى لولده الا قطعتين بس والباقي اهلي واهله هم اللي شروها

الملابس اذا بغيت اطلع مايشتري لي الا اذا كان فيه مناسبة كبيرة وطبعا بعد الطقاق والمشاكل والصياح والنياح واذا مسيار والا طلعة عاديه البسي من اللي في الدولاب ووش اللي في الدولاب حق قبل سنتين شافوهم الناس مية مرة صرت اكره اطلع بسبب هالشي خصوصا اني متعودة على غير هالمستوى الحمد الله يوم كنت بنت ما كنت البس الا احسن شي واغلى شي ومع ذلك ما قلت شي صابرة عليه ومتحملته

والسفر ماسافرت الا ثلاث مرات بس من تزوجت جدة 4ايام يومين مكة يومين جدة والشرقية مرتين 3ايام و3 ايام وكلها ما انبسطت فيها اذا بغيت اسواق للتمشيه بس مابي اشتري تهاوشنا وقعدنا في الشقة

الالتزامات ماعليه شي غير فاتورة جواله وانا اهلي هم اللي يطلعون لي الجوال وطلعوا جوالين وكلها ماسدد فواتيرها وراحت علي طلعوا لي الاول وكان عليه 800 ريال بس خمس فواتير وانفصل وطلعوا لي ثاني وعليه 400 ريال فاتورتين وفصل والثالث هو طلعه لي والتزم به كم شهر وتركه الين ما انفصل والحين معي شحن يشحن كل اسبوعين 10 ريال بس البيت ساكنين في نص دور عند اهله وماندفع اجار

بتقولون يمكن راتبه قليل بقول لكم ان اكثر من السته الاف ريال قلت له عطنيالف ريال كل شهر وبشيل نفسي حتى في المناسبات لا تزيدني ولا تعطيني شي بغى ينهبل قال ال 500 ريال تكفيك انتي وولدك وتسدد جوالك بعد وش رايكم


المهم مشكلتي اللي اكبر من هذا كله انه قبل كم اسبوع كان عندي زواج خالي وما فصلت فستان عشان خاطر ابو ولدي لبست فستان زواج اختي مع ان كل العالم شافوه بس قلت يا بنت معليش البسيه عشان يرضى تروحين الكوافيرة المهم يوم جت حزة الزواج قال لي لا تروحين للمشغل صلحي نفسك انتي انتي تعرفين تصلحين مكياج لا تروحين اول شي قلت لا ومدري ايش ورفضت بعدين فكرت قلت توه طالع من ازمة عيد يالله بصلح نفسي ب بشرط انه اذا استلمت الراتب تعطيني قيمة الكوافيرة لي قال تم المهم الراتب حقه يطلع بالتاريخ الميلادي طلع بعد الزواج باربع او خمس ايام وما طلبتها قلت خله يعطيني اياها من نفسه المهم اخينا في الله مطنش

يوم الثلاثاء اللي فات جاني خبر انه الاسبوع الجاي فيه عزيمة كبيرة وفي استراحة فقلت له الخميس ماعندك شي خل نروح اشتري لي ولولدي لبس فقال لي لا البسي لبس العيد طيب كل اللي بيجون هم نفسهم اللي جوا يوم العيد وبعدين برد ولبس العيد ما يصلح وانا وحدة بردة ابي كم طويل قال لا قلت اوكي ابي فلوسي حقت الكوافيرة قال لا ما عندي لك فلوس اصلا وش رايكم فيه

المهم انا غلطت عليه وقلت له يا نصاب اصلا انت نصاب وكنت حاسة انك بتسويها فيني بس قلت لا لانك هالمرة حلفت

بس خدعني وقهرني وقمت اتكلم من قهري المهم شلت ملابس وجيت بيت اهلي وانا الحين مقهورة والله مقهور هذا جزا صبري عليه قولوا لي وش رايكم وش الحل لا تهملوني تراي مره القولون ملتهب علي الحين من القهر اللي قهرني اياه


ماعاد ادري وش اكتب والله انقهر كل ما ذكرت السالفة بس اعذروني اذا ما عرفت ارتب الجمل

اسفة للاطالة