مدري وش اسوي .. اخآف اوآفق واندم .. واخآف ارفض واندم ..

السلام عليكم ورحمة الله وبركاته ..

كيفكم بنآت حوآء ..

انا بقولكم قصتي بامختصر عشآنـ محد يمل مني انا وخشتي ..


انا عمري حالياأ 22 مع انه مدري وش جآب طآري العمر بس مشو الحآل
طبعاً يآبنات احنا وبنآت عمي من يوم ماكنا صغآر نحب بعضنا البعض ..
ويم كبرنآ صرنآ من مشآكل في مشآكل وبعد زوآج اختي اللي اكبر مني بسنتين
زآدت المشآكل بشكل ماتتوقعون لدرجة ان بنآت عمي مايسلمون على امي
وتطورت المشآكل لدرجة ماعآد صرنآ نسئل عن بعض ومانشوف بعض غير في الزوآجآت

وسبب هالمشكلة اختي الكبيرة عندها وسوآس وهي اللي الله يصلحها
سببت كل هالمشآكل بس اختي ماتنلام الكل يعرف انها مريضه بس مايقدرون

طبعا انا محجوزة لولد عمي اصغر مني بسنه وكآنت امو اي وحدة تجي تخطبني
لولدها خآلتي تقول لا هالبنت نبيها وصآرو خلاص اهل ديرتنا كلهم يعرفون اني لولد
عمي ومحد يقدر يتزوجني طبعا امه مدري وش قصتها جت عندنا وجلست تمدح في بنت
من جماعتنا قدآمي انا وامي وكانت تتكلم فيها انها ودها تخطبها لولدها المشكلة انا جالسة

طبعا بعدها انقهرت قلت طول هالسنين وانا محجوزة وبعدها تبي تخطب ولدها لبنت ثانيه
والله كرهتهم كره مو صآحي من غير ان بنات عمي تكبرو علينا على ايه ياحسرة مدري

طبعا بعد كذا تقدم لي وآحد من جماعتنا وخطبني رآحو اهلي كلهم تعرضو
لها الرجال اللي خطبني جدتي وعمي وولد عمي وخالي وخالتي
كلهم رآحو وقفو في طريق هالادمي وقالو حنا نبي البنت

يابنات تخيلو الرجال اللي خطبني ورفضوه اللحين بيتزوج
وقبلها كثير جو بيخطبون واللحين بيتزوجون
وانا ولد عمي حاجزني والاخ جالس في البيت
لاوظيفه ولا شغله وطول وقته من مقهى لمقهى
والمشكلة الكبيرة ابوي انقهر ليه طول هالفتره حاجزيني ولاخلو احد يخاذني
وهم جالسين محد مسوي شيء تخيلو ابوي كره امه واخوانه
وكره اهل امي واللحين ماعاد نروح ديرتنا مقهوره
والسبب ولد عمي وعمي وجدتي وخالتي وخالي

الله يهديهم

والمشكلة لاوافقت صعبه امو وابوه واخواتو مايحبونا يكرهوننا
ولا رفضت صعبه ماعآد رآح اتزوج كل اهل ديرتي مايقدرون ياخذوني


وش السوات يابنات ؟؟؟:(


الله يهدي من كآن السبب ..
ادعو لنا ان الله يجمع شملنا بعد ماتفرقنا
وادعولي بالزوآج من الرجل الصالح التقي النقي اللي يخاف الله فيني
وادعولي بالشفاء

والله ان ابوي حزني كل مانجيب طاري امه يحزن
لانها زعلانه عليه وهو مايمر يوم الا ويكلمها بالجوال لانه خايف من العقوق
وهو مطوع الله يخليه لنا .. بس امه زعلانه عليه تقول لاتزوج بنتك الا ولد عمها
وابوي يقول والله ماازوج بنتي الا واحد متوظف لان هالزمن الوآحد يعتمد على عيشته بالوظيفه