مدري وش اسوي مع خطيبي ؟

السلام عليكم

مدري من وين أبدأ


المهم يا جماعة

انا بنت حالي حال باقي الناس , انخطبت وكنت مرتاحه ووافقت ,,

كنت أكلم خطيبي قبل الملكه وكنت أحس ان بيننا توافق و اشياء تتشابه ..

و آلحين ملكت ..

كنت عادي ومبسوطه ومرتاحه

من أمس وانا احس اني متشوشه .. وتجيني افكار مو حلوه ومزعجه واحس اني ادور عيوب خطيبي

و احس بإختلافات بيننا

مدري والله شقول بس كل شي يسويه احس انه مو عاجبني رغم اني كنت مبسوطه جدا

يعني زي أمس كنا بالسياره هو يسولف وانا ساكته واقول بداخلي " وش فيه هذا يتكلم كثير ؟ "

ومرات اقول بداخلي ليه يتفاخر كثير

ليه كأنه طفل ؟

جزاكم الله خير اللي عندها شي يوجهني ترد علي

و اللي تحس انها بتشوشني اكثر لا ترد :(

هذا شي طبيعي وبتعود على خطيبي و اطباعه و اللي يحبه ويكرهه ؟

او ان هذا وسواس وكلام فاضي ؟

او ان الاحتمال اللي مابيه ان احنا ماننفع مع بعض :(


-------------


في موضوع ثاني مدري له علاقة باللي قلته او لا

خطيبي في ناس من اهله كانو يبونه لبناتهم . قبل الملكه كان متلهف علي ,, من ملكنآ وهو من يطلع من عندي يصير مو طايقني

ولما يتصل علي يكون معصب ويبي يتهاوش

ومايبي يجيني و اذا جاء يضل كم ساعه ويطلع مايطول

قريت اعراض المسحور وحسيتها تنطبق عليه . , دايم تعبان وفيه النوم

:( مدري هذا له علاقه باللي انا احسه او لا .. صار لنا اسبوعين مالكين وانا توني احس بأنه يختلف عني