مدري وش اقول بس

سلام بنات
ضايق صدري صاير لي كم موقف كذا مضايقني
بقولكم وعطوني رايكم باللييصير وكيف ممكن اتصرف:(
انا متزوجه وعلاقتي مع اهلي زوجي كويسه من ناحيتي يعني انا جدا كويسه معهم وحريصه اني ما اجرحهم هذا غير الهدايا والعشوات والعزايم .. المهم انا عندي سواق وهالسواق كل من متجرأ عليه والسبب زوجي يعني مثلا اخت زوجي الله يهديها تدق عليه هو وتقول يلا تعال بدون ما تكلمني او تكلم اخوها :angry2: طيب يمكن انا ابيه يمكن احتاجه وفعلا تصير كم مره اطلع وما الاقي السيارة ولما اتصل فيه يقول انا رايح لفلانه اما يوديها السوق ولا يجيبها من السوق ما صارت وزوجي كل ما قلته مايصير كذا ما يعلق ولايرد علي ليته يهوش ليته يقول مالك دخل الصمت الرهيب يدخل من هنا ويطلع من هنا طيب وآخرتها لواني سيئه ولا ما اعرف الاصول اقول استاهل اللي يسوونه لكن والله اللي قاعد يصير يقهرررررررر:( لا و ازيدكم من الشعر هاوس اتصلت فيني خالة زوجي اخت امه قالت ابي منك تايورات قلت ابشرررررررررررري :icon28: على بالي فزعه وارسلت لها بدل الواحد 3 ونااااااااااااااامت عليهم اسبوع اسبوعين ثلاثه ولاشيء ومره تقابلنا وسألتها عسى عجبوك ولاهي ماجابت طاريهم قالت ايه كويسين واني مستحيه ابي ارجعهم بس نسيت قالت خالتي (ام زوجي )عاد هي اللي هي انا ماعندها لا دخله ولا طلعه يعني خذيهم بالعربي:09: يا سلام يا سلام كدينا خير.. المهم بعد اسبوعين من هالحكي اتصلت فيها وقلت لوسمحتي ابي الملابس وحده طالبتهم مني قالت طيب والله يا بنات انها رجعتهم معفطين ومحيوسين حتى ما رتبتهم بالكيس:crap: قلت يا الله للدرجه هاذي وصل فيهم الاحتقار ولا وش اسميه ؟؟؟ قولوا لي كيف اتصرررررررف؟:(:(