مدري وش اقول لكم بس تكفوووون ساعدوني فيني ضيقه ما يعلمه الا الله

السلام عليكم ورحمه الله وبركاته

فى البدايه ماني عارفه وش ابقول لاني من جد متألمه من هالموضوع كثيررر

عشان كذا قررت اني اكتب مشكلتي وعلى امل منكم تساعدوني "ومالها الا اجر "

لكم القصه :

كانت عندي انسانه مررره قريبه لي الى درجه اعتبرها اكثر من اخت وهي اساسا تقرب لي

الكل عارف بعلاقتي انا واياها مكالماتنا بشكل يومي بس هي فى مدينه وانا فى مدينه وما نتقابل الا

فى الاجازات الكل يقول انتو ما تخبون عن بعض اي شىء بالفعل هذا اللى صاير

يعني رابين مع بعض رغم انها اصغر مني بسنه تقريبا

بعد فتره دخلت فى بنات يقربون لها بس انهم ما يتناسبون بعاداتنا لانهم ناس مررره فري " الله يستر عليهم "

انصدمت منها الى درجه انها تعيرت قناعاتها عشانهم تسوي اي شىء عشان رضاهم

وما اقدر اتكلم بحكم انها تقرب لها " مهما كان الشخص ما يرضاء فى اهله "

يمكن انا فيني طبع شين لما الواحد يتغير علي ما اقوله اكثر من 3 مرات وبعدها اسكت

المهم فى هذي الفتره علاقتنا مو زي اول ما نكلم بعض يوميا يعني زي كذا

وبعدها اتصلت علي تشتكي على اهلها ومقهوره منهم عشان ما خلوها تروح لصديقاتها وانهم الى متى وهم كذا

انا كبرت وبعدين ليش يخلون اخواني يطلعون اي وقت وانا لا

ما تتخيلون يا بنات الصدمه اللى جتني رغم هذا الشىء صار عندنا عادي

بينت لها انو البنت غير عن الولد والمجتمع هو اللى محتم علينا كذا ومن هالكلام

جات الاجازه ورحنا عندهم لكن للاسف تمنيت اني ما رحت

قالت لي اشياء بالعفل انصدمت منها بس صارت ما تتقبل النصيحه واكتفيت بالسكوت

تضيقت منها كثير الى درجه صارت علاقتنا رسميه او بمعني اصح ما نكلم بعض

كل اهلنا لاحظ هالشىء وشفيكم نرد بقول ما فينا شىء

اخوها كلمني وش فيك انتي واياها ومن هالكلام برضو قلت ما فينا شىء

ويعني الكل يسأل ويبغي يصلح وانا مو قادره اتكلم واقول شىء

ومو معني كلامي اني منزه من الخطاء والغلاط بس غلطها تجاوزت الخط الاحمر

هذا اللى مضيق صدري وتعز علي

والله يا بنات بحجم كل هالالم والله ما شكيت لأي احد عنها كنت اتظاهر بكأن شىء لم يكون

بعد فتره جات امها وتكلمت وقالت خلاص وخلتنا نسلم على بعض وكذا رجعنا نكلم بعض

بس ما حبيت يكون هالشىء لان فيه اشياء ابغي اقولها بس ما صار اللى اتمنه

سافرت وللاسف العلاقه على حافه الهاويه

اختي وامي لأحظوا علاقتنا كلموا عمتها بحكم انها فى البيت معها وتقول لها ليه تغيرتي من هالكلام

رغم اني ما اعرف ان اختي وامي تصرفوا هالتصرف

اتصلت علي وتقول بأي حق تقول هالكلام واتهمات علي واسلوبها مررررررررررررره غير

كأني ما اعرف هالانسانه قلت لها بكل هدوء افهم الموضوع اهلي ارجع اكلمك

ما كلمتها بنفس اليوم بحكم انها مررره معصبه وكذا اكتفيت بمسج

وثاني يوم اتصلت لها فهمتها الموضوع حلفت لها بررت لنفسي وقلت لها

طبعا واكيد ما اقتنعت والكل حاط فى باله من ناحيه اهلي اني ما ابغي اكلمها بحكم انها تغيرت للاسوء

وهو فى الواقع هذا الصدق رغم اني ما بيت لأي هالشىء " والله يا بنات لو انها هي شخصيتها من الاساس كذا راح اتقبلها "

صار كلام كثير فى المكالمه وهي بس ساكته وقبل ما اسكر

قلت لها صارت مشاكل كثيره وخلافات كثيره بس نرجع زي اول واحسن بس الحين ما اعتقد وقلت لها مع السلامه وسكرت

عقبها بفتره اتصلت عليها عشان ابارك فى اخوها انه تملك ما ردت علي

تملكت اختي وجاء اخوي من غربه وصارت احداث كثير ما اتصلت بحكم بس القرابه

وتقريبا لنا شهرين ما نكلم بعض حتى فى المسنجر وكأننا اغراب

الحين انتو سمعتوا القصه :

ابغي تعلقاتكم انطباعكم ؟

ابغي اعرف شىء واحد بس هل انا غلطانه ؟ طيب فى الحاله وش اسسوي ؟

هل راح ترجع لطبيعتها ونضجها ؟

الله يخليكم ساعدوني من جد مقهوره وفيني ضيقه مو طبيعيه