السلام عليكم ورحمة الله وبركاته
بصراحة ترددت كثير في طرح قصتنا مع ابوي ولكن على أمل انو في احد يأخذ العبرة ويستفيد
من يوم ماطلعت على الدنيا وابوي مهووس بالحريم بالحلال او الحرام ماقاصد الزنا لا ماحطها بذمتي لا بنظرات والاختلاط
وامي صابره ومشاء الله عليها حافظت علينا والله كنت مراهقة كانت توديني للمدرسة وترجعني على رجليها بظهر
ومدري كيف كانت تتصرف بغداها وعيالها الصغار
من ندخل من المدرسه انا واخواني لاحظو اكثر من مدرسة امي تمر
نلاقي الغدا جاهز والبيت نظيف ومع هذا كله ماكانت تقول عن ابوي شيء كان الابوالمثالي بنظرنا
وهوبهذا الوقت تارك وظيفته ورايح عند وحده من عائلته عندها بنات وكان الرجال يترززعندهم والله لايوريكم
الهدايا والطلعات لين جاء واحد من عيال عمهم وضربة
ورجع لنا وكانت امي داريه بس ماقالت شيء وصبرت
وتقدم لخطبتي رجال كبير عنده مرة وعيال على طول وافقة عليه بس عشان ماغث امي وراي في المدارس هذا تفكيري بذاك الوقت ونسيت انها طالعة عشان اخواني هههههههههههه عمري 14 سنة
وجهزتني احسن جهاز وبعد زواجي جاني ابوي يتبكبك عندي يقول عليه ديون وان الرجال مشتكينه
عطيته ذهبي كانت امي شاريته 40 الف وماكنت ادري عن سوالف ابوي وباعة وصار هدايا للحريم
وفرحة امي ماطولت فيني تطلقت
ورجعت غثا على امي ورجعتني للمدرسة كانت بصبح توديني والظهر تطلعني والعصر اروح تقويه
والله يابنات ماانسى منظرها وهي برا المدرسة تنتظرني
المهم ابوي ماقدر يلتزم مع الدوام وطلعات المهايط فقدم تقاعده
وصار الراتب بعدماكان7 الآف صار 3 الآف ماقدرابوي يتعايش مع جو المدينه وغلاء المعيشه
فنقلناالى قرية صغيره وبهذا الوقت تزوجت وجانا ابوي يطلب المهر يقول بيفتح محلات والله ماخذت الا 15 الف من مهري ومشت الحياة بس المحلات ماجازت لبوي لانها ربطته عن طلعاته فاباعهن بخسارة وطلع بمشروع ثاني
وماعنده فلوس فاخذ قرض وطبعاً ماتوفق والله يابنات مايزيد من راتبة الا 260 ريال ولافي سيارة
اجار -كهرب- مصروف
وامي صابرة ولا اشتكت وطاح علينا مدري مرض والادلع حتى الاكل ياكل وهو منسدح
و مشت امورنا امي تصرف وامي تودي للمشفى وامي تكلم المدرسة حتى مدرسة الاولاد امي هي المصرفة الاولى والاخيرة في البيت وسبحان الله يفرجها علينا رب العالمين كل ماباعت قطعة من ذهبها عوضها الله من ليلتها وبعد ثلاث سنوات جاء واحد من اعمامي وخلص قرضه والحمدالله صار يصلي وكلنا فرحنا له ونوى يحج وشجعته امي حتى الفدية من جيبها
تدرون وش سوا راح وتزوج وحده ارمله معها 5اولاد وسحب علينا ماكننا عياله يقول انا اصرف على مرتي وانتم يصرف عليكم اخوكم حرام توه متوظف راتبه 4000الآف ولابيت ملك ولا سياره
وماانسى اقولكم صار مع امي امراض نفسية كله من ابوي
تكفون يابنات ادعولها ان الله يثبتها بعقلها ويعينها على ابو عيالها
وفي اشياء كثيرة ماكتبتها
والله ماعندي غيركم اشكي له وماكنت اتوقع في يوم اكتب قصتنا
وآسفه اذا في اخطاء والله اكتب وانا ابكي الله يفرج همنا ويصبرنا
ام كآدي @am_kady_7
عضوة فعالة
هذا الموضوع مغلق.
ودي نكون
•
ياعمري اكثرو من قول لاحول ولا قوة إلا بالله
الصفحة الأخيرة