مـــيارا @myara_3

عضوة نشيطة

مدري وش التصرف الصحيح الي اسويه؟؟

مساء الخير

عندي مشكله وبغيت مساعدتكم فيها
عندي زوجي دااااايم على شي اسمه قيمزر لعب نفسي بها القيمزر مدري وش الحل معاه دايم زعل بينا سبب هالموضوع يعني لما يلعب مع البنات لما السواليف بينهم حتى ولو كانت برئيه انا ما يعجيني هالشي ابد لانه دامني سكت على البريئه بيجي يوم واسكت على الأعظم

مره من المرات اكتشفت انه مسجل بها الموقع قيمزر بإيميل ثاني ونك نيم بأسمه اسم بريء يعني واستغربت انه ما قالي انه مسجل بنك نيم ثاني لأني دايم لما اكون عند اهلي ادخل للموقع العب معه واسولف معه وساعات و يمسخها بالحكي مع انه ما يدري اني انا زوجته الي اكلمه وبعدين ارجع للبيت وادخل بعينه واتوقع انه هذا السبب الي خلاه يسجل بنك نيم ثاني يعني عشان ياخذ راحته بالسواليف مع البنات
المهم...
بنات انا يوم الاحد الصباح كلمني زوجي بدوامه قالي انه معزوم على الفطور وكان بالليل عزيمه سحور عند اهلي ولما كلمني قالي روحي افطري عند اهلك وخذي معك ملابسك للعزيمه لأني يمكن اتأخر عند اخوياي قلت اوك
المهم جا ووداني وراح
ولا كلمني طول اليوم وهالشي ما زعلني عادي بس لما كلمته اسأله بيجي للسحور قالي لا انا بالبيت ولا فيني حيل اطلع قلت اوك
قلت خلني ادخل للموقع اشوف وش يسوي ودخلت ولقيته مغير اسمه الي بالنك نيم الثاني ومخليه اسم حقيييييييييييييييير للغااااايه بشكل ماتتصورونه يعني اسم يخلي البنات الوسخات بس هم الي يكلمونه
انا هنا ارسلت له رسيل وهزئته وانكر وهزئني وحووووسه
وقلت له مالك علاقه فيني ونمت عند اهلي وصارلي من يوم الاحد لما الان كلمني امس وقلي اجي اخذك قلت ما بعد قررت قالي لما تقررين دقي علي وما دقيت عليه وهو ما اتصل ولا اهتم ولا ارسل حتى رساله...
مدري وش اسوي عطوني من افكاركم وتجاربكم سا عدوني
اتصل والا اطنش والا وش اسوي
بس اهم شي مابي ابين له اني ماعندي كرامه ومن هالحكي لانه ما يستاهل..
والف شكر واسفه لو طولت عليكم

بنات هو ما اتصل ولا شي كانه حلا له الجو فهموني بلييييز وانا ما رحت عند اهلي زعلانه رايحه لى اساس الفطور وزعلت عليه وانا عند اهلي

يلزم عليك تسجيل الدخول أولًا لكتابة تعليق.

تسجيل دخول

ام عروووب • 15 سنة

اللّه يعينك ويسخره لك اتمنى البنات يفيدونك

ريـم1 • 15 سنة

أكبر غلط سويتيه أنك زعلتي وقعدتي ببيت أهلك

يا أختي تبين تزعلين .. أزعلي وأنتي ببيتك

أنتي الحين تركتيله الحريه الكاااااااااامله وهذا هو اللي يبيه

لو أنك قاعده ببيتك كان يمديك حليتي المشكله وتفاهمتي معه

الله يهديك أستعجلتي واجد

حاولي تعدلين الوضع .. أرجعي لبيتك على أساس أنك بتاخذين شي مهم

وأنتي أبخص بزوجك كيف ترجعينه ...

ونصيييييحه لوجه الله .... مهو كل مازعلتي ولأن اهلك قريب طرتي عندهم وخليتي بيتك

ترى هذا أكبر غلط ...... الله يصلح لك حالك ... ويسخره لك ويسخرك له

العامريه • 15 سنة

ام عروووب :

اللّه يعينك ويسخره لك اتمنى البنات يفيدونك

اللّه يعينك ويسخره لك اتمنى البنات يفيدونك

اذا كنتي متأكده انه هو صاحب الاسم المنحط
وهذي تصرفاته
فماهي تصرفات رجال...
ولازم يتأدب عنها
رأيي طنشيه لحد مايتصل عليك
وقولي له تعال عندي لك كلام
واذا جا ...
تتكلمين معاه وتقولين انا اخذت رجال
وابغى ابني معاه حياة اساسها الثقه
والاحترام..
وانا هالشيين اشوفهم من الآن انهزوا بحياتنا
الله رازقك حرمه بالحلال
وتروح تتكلم مع بنات بالحرام؟؟؟
ترضى ان انا مكانك حتى لو كان الموضوع لعب؟
وربي يزيل مابينكم ويهديه

lora18 • 15 سنة

العامريه :

اذا كنتي متأكده انه هو صاحب الاسم المنحط وهذي تصرفاته فماهي تصرفات رجال... ولازم يتأدب عنها رأيي طنشيه لحد مايتصل عليك وقولي له تعال عندي لك كلام واذا جا ... تتكلمين معاه وتقولين انا اخذت رجال وابغى ابني معاه حياة اساسها الثقه والاحترام.. وانا هالشيين اشوفهم من الآن انهزوا بحياتنا الله رازقك حرمه بالحلال وتروح تتكلم مع بنات بالحرام؟؟؟ ترضى ان انا مكانك حتى لو كان الموضوع لعب؟ وربي يزيل مابينكم ويهديه

اذا كنتي متأكده انه هو صاحب الاسم المنحط وهذي تصرفاته فماهي تصرفات رجال... ولازم يتأدب عنها رأيي...

يابنت الحلال تعوذي من ابليس!!!

بتهدمين زوجك عشان قيمز وخرابيط !!

اعتبريه طفل متعلق بلعبة بلاي ستيشن وفتره وبتعدي !!!

ارجعي بيتك احسن !!

لاتظنين قاعد يبكي الدموع الا قاعد يلعب ههههههههه <<< امزح بس يلا على بيتك وتعوذي من ابليس

آنسة بهجة • 15 سنة

لازم ترجعي لبيتك لأن الذهاب لبيت أهلك مش حل . حاولي التقرب منه ثم نصحه و اجعلي الطلاق آآآآخر حل